Arrested | पुणे : कॉलेज बंद करण्याची धमकी देत एका महाविद्यालयीन विद्यार्थीनीवर वारंवार बलात्कार केल्याचा धक्कादायक प्रकार पुणे शहरातून समोर आला आहे. याबाबत कोणाला सांगितल्यास तरुणीला जीवे मारण्याची धमकी देण्यात आली. या घटनेनंतर परिसरात एकच संताप व्यक्त केला जात आहे. शहरातील मार्केटयार्ड पोलीस ठाण्याच्या हद्दीत हा प्रकार घडला आहे.
याप्रकरणी पीडित तरुणीने मार्केटयार्ड पोलीस ठाण्यात फिर्याद दाखल केली आहे. त्यावरून आरोपीस पोलीसांनी अटक केली आहे. अभिजीत दिलीप पापळ (वय 21, पुणे अप्पर इंदिरानगर बिबवेवाडी पुणे) असे आरोपीचे नाव आहे. याप्रकरणी पोलीसांनी गुन्हा दाखल करून घेतला आहे.
मिळालेल्या माहितीनुसार, महाविद्यालयात शिक्षण घेणारी ही तरुणी मार्केटयार्ड भागात रहावयास आहे. कॉलेजमध्ये जात असताना आरोपी आणि तिची बस स्थानकावर ओळख झाली. त्यातून आरोपीने ओळखीचा गैरफायदा घेत तरुणीला मारण्याची आणि कॉलेज बंद करण्याची धमकी दिली. यातून त्याने तरुणीवर बलात्कार केला.
त्यानंतर आरोपीने डिसेंबर 2022 ते फेब्रुवारी 2023 या कालावधीत वेळोवेळी बलात्कार केले. शिवाय भुगाव येथील सनी लॉजवर तिच्या इच्छेविरुद्ध लैंगिक संबंध ठेवले. नंतर याविषयी वाच्यता केल्यास तरुणीला जीवे मारण्याची धमकी दिली.
दरम्यान, घाबरलेल्या तरुणीने पोलीस ठाणे गाठले व सर्व आपबीती पोलीसांना सांगितली. त्यानंतर पोलीसांनी गुन्हा दाखल करून आरोपीस अटक केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Arrested | तीन कामगारांच्या मृत्यू प्रकरणी शुभ सजावटचा मालक आशिष अगरवालला पोलिसांनी ठोकल्या बेड्या
Arrested | पादचाऱ्यांना लुटणाऱ्या चोरट्याला ठोकल्या बेड्या ; आठ मोबाईल केले जप्त
