Ambegaon News : मंचर, (पुणे) : एका नराधम पित्याने स्वतःच्या अल्पवयीन मुलीवर वारंवार बलात्कार केल्याची घटना आंबेगाव तालुक्यात घडली आहे. वडील व मुलीच्या नात्याला काळीमा फासणारी घटना घडल्याने परिसरातील नागरिकांकडून संताप व्यक्त केला जात आहे. याप्रकरणी संबंधित पित्याला पोलिसांनी बेड्या ठोकल्या आहेत.
वडील व मुलीच्या नात्याला काळीमा फासणारी घटना
पोलिसांनी दिलेल्या माहितीनुसार, आंबेगाव तालुक्याच्या पूर्व भागातील एका गावात सदर मुलगी राहत असून तिच्या आईचे निधन झाले आहे. मुलगी अकरावीत शिकते. त्यामुळे घरी मुलगी व तिचे वडील असे दोघे राहत होते. वडील ४२ वर्षाचे असून शेती करतात. घरात कोणी नसताना राहते घरात व घरालगाच्या मोकळ्या जागेत नेऊन चाकूने जीवे मारण्याची धमकी देऊन वडिलांनी मुलीवर वारंवार बलात्कार केला.
तसेच घरी एकटीच मुलगी असल्याचे पाहून वडिलांनी मे २०२३ ते १७ जुलै २३ पर्यंत या अल्पवयीन मुलीवर वारंवार बलात्कार केला. घाबरलेल्या मुलीने सुरुवातीला इतरांना ही गोष्ट सांगितली नाही. मात्र, धाडस करत तिने ही गोष्ट मैत्रिणीला सांगितली. मैत्रिणीच्या नातेवाईकांनी पारगाव पोलीस ठाण्यात येऊन पोलिसांना माहिती दिली. पोलिसांनी नराधम बापाला अटक केली आहे.
