Accident News | पुणे : बाणेरवरुन कोथळे पुरंदरकडे दशक्रिया विधीसाठी निघालेल्या पती पत्नीच्या दुचाकीला अज्ञात वाहनाने दिलेल्या धडकेत जागेवरच मृत्यू झाल्याची घटना घडली आहे. शुक्रवारी (ता. १२) सकाळी साडेसात वाजण्याच्या सुमारास कात्रज कोंढवा रोडवरील आर एम डी शाळेसमोर हि घटना घडली आहे.
ज्ञानेश्वर वाल्मिक लवांडे (वय – ५०) त्यांची पत्नी उषा ज्ञानेश्वर लवांडे (वय – ४५, रा. कपिल मल्हार, बाणेर गाव) असे मृत्यु झालेल्या पती-पत्नीचे नाव आहे.
कोंढवा पोलिसांनी दिलेल्या माहितीनुसार, ज्ञानेश्वर लवांडे हे दुचाकीवरुन दहाव्याच्या कार्यक्रमासाठी पत्नीसह बाणेरहून कात्रज कोंढवा रोडवरुन कोथळे पुरंदरकडे जात होते. आर एम डी शाळेसमोर एका भरधाव चारचाकीने त्यांना जोरात धडक दिली. त्यात दोघांचा जागीच मृत्यु झाला़.
दरम्यान, अपघातानंतर घटनास्थळी न थांबता वाहनचालक पळून गेला. अपघाताचे वृत्त समजताच कोंढवा पोलीस घटनास्थळी पोहचले. त्यांनी मृतदेह शवविच्छेदनासाठी ससून रुग्णालयाला पाठविले असून पोलीस उपनिरीक्षक वैभव सोनवणे तपास करीत आहेत.
अधिक बातम्या वाचण्यासाठी येथे क्लिक करा….!
Accident | भरधाव आयशरची चार वाहनांना धडक ; टेम्पो पलटला, फुरसुंगी परिसरातील घटना..
Dive Ghat Accident | दिवे घाटात झालेल्या अपघातात बारामती व सासवड येथील दोघांचा मृत्यू
