Accident News : नागपूर : देवदर्शन आटोपून परतताना कार व कंटेनरचा भीषण अपघात झाल्याची घटना रामटेक – भंडारा मार्गावरील आरोली खंडाळा गावाजवळ रविवारी (ता.९) दुपारी साडेतीन वाजण्याच्या सुमारास झाला आहे. या अपघातात एकाच कुटुंबातील तिघांचा दुर्दैवी मृत्यू झाला. तर या अपघातात ८ जण जखमी झाले आहेत.(Accident News)
कार व कंटेनरचा भीषण अपघात झाल्याची घटना.
हिमांशु भेंडारकर (८ महीने), भार्गवी बोंदरे (वय-८) आणि परसराम लहानु भेंडारकर (वय-७०) अशी मृत्यू झालेल्यांची नाव आहे. तर सिताबाई परसराम भेंडारकर (वय-६४), ऊन्नती राजेश भेंडारकर (वय-५०), दुर्गा राजेश भेडारकर (वय-३२), भाव्या चंद्रहास बेंद्रे (वय-८) अशी जखमींची नावे आहेत.(Accident News)
मिळालेल्या माहितीनुसार, राजेश भेंडारकर (वय ३४, भंडारा) हे त्यांच्या कुटुंबीयांसह नागपूर जिल्ह्यातील रामटेक येथे दर्शनासाठी आले होते. रामटेक गड मंदिराचे दर्शन घेऊन ते आपल्या गावी परतत असताना रामटेक – भंडारा मार्गावरील आरोली खंडाळा गावाजवळ त्यांची कार उभ्या असलेल्या कंटेनर ट्रक (क्रमांक एमएच ४० सीडी ९८०२) ला धडकली.(Accident News)
दरम्यान, अपघातातील जखमींना रामटेकच्या शासकीय रुग्णालयात उपचारासाठी दाखल करण्यात आले आहे. मात्र, परसराम भेंडारकर यांच्यासह दोनही चिमुकल्यांचे उपचारादरम्यान मृत्यू झाला आहे. उर्वरित जखमींवर नागपुरात उपचार सुरू आहेत.
