Junnar News : पुणे : रिव्हर्स घेताना रुग्णवाहिकेने एका ज्येष्ठ नागरिकाला चिरडल्याची धक्कादायक घटना ओतूर (ता. जुन्नर) येथील बस स्थानकाच्या परिसरात असलेल्या डुंबरवाडी टोलनाक्याजवळ घडली आहे. या अपघातात एका ज्येष्ठ नागरिकाला प्राण गमवावे लागले आहे. तर या अपघाताची घटना सीसीटीव्ही कॅमेरात कैद झाली आहे.(Junnar News)
रज्जाक मुंढे असे मृत्यू झालेल्या जेष्ठ नागरिकाचे नाव आहे.
मिळालेल्या माहितीनुसार, रज्जाक मुंढे हे ओतूर येथील बस स्थानकात प्रवासी वृद्ध उभे होते. त्याचवेळी एक रुग्णवाहिका पार्किंगमधून बाहेर पडत होती. रुग्णवाहिका चालकाने स्टॉपवर उभ्या असलेल्या प्रवाशाला एकदा चिरडलं. मात्र हा प्रकार लक्षात न आल्याने रिव्हर्स घेताना पुन्हा एकदा चिरडलं.(Junnar News)
अपघातानंतर जखमी मुंढेना त्याच रुग्णवाहिकेतील कर्मचाऱ्यांनी उपचारासाठी रुग्णालयात नेलं. परंतु, उपचारा दरम्यान त्यांची प्राणज्योत मालवली. रुग्णवाहिका ही नागरिकांचे जीव वाचवण्यासाठी असते मात्र एका रुग्ण वाहिकेमुळे नागरिकाचा जीव गेला आहे. त्यामुळे रुग्ण वाहिका चालकांवर कारवाई करावी अशी मागणी नातेवाईकांकडून करण्यात येत आहे.(Junnar News)
दरम्यान, रस्त्यावर उभ्या असलेली व्यक्ती रुग्णवाहिका चालकाला दिसली नाही का? असा सवाल विचारला जात आहे. त्याने गाडी मागे घेताना कुठलीही काळजी घेतली नसल्याचे या घटनेवरून समोर येत आहे. मात्र एका व्यक्तीला नाहक आपला जीव गमावावा लागला असल्याची चर्चा परिसरात सुरू आहे. पोलिसांकडून याबाबत तक्रार दाखल करण्यात आली असून पुढील तपास करण्याचे काम सुरु आहे.(Junnar News)
