Accident खडकवासला, (पुणे) : पुणे-पानशेत रस्त्यावर खडकवासला परिसरात चारचाकीने दुचाकीला दिलेल्या धडकेत एकाचा जागेवरच मृत्यू झाला आहे. तर एकजण गंभीर जखमी झाल्याची घटना शुक्रवारी (ता. ०५) मध्यरात्री अडीच वाजण्याच्या सुमारास घडली आहे.
नितीन भाऊसाहेब मुसमाडे (वय- ३२, रा. नऱ्हे, ता. हवेली जि.पुणे) असे मयताचे नाव असून राम गणपत राठोड (वय २७, रा. प्रतापगड होस्टेल, काशीबाई नवले रुग्णालय, नऱ्हे, ता. हवेली.) हा गंभीर जखमी झाला आहे.
मिळालेल्या माहितीनुसार…!
शुक्रवारी पहाटे अडीच वाजण्याच्या सुमारास दुचाकी डोणजे बाजूकडून पुण्याच्या दिशेने निघाली होती. तर पुणे बाजूकडून भरधाव वेगाने कार पुणे बाजूकडून भरधाव वेगाने निघाली होती. यावेळी भरधाव वेगाने आलेल्या इनोव्हा कारने दुचाकीला समोरुन जोरदार धडक दिली हा अपघात एवढा भीषण होता कि, यामध्ये दुचाकीवरील दोघेजण २० ते ३० फुट फरफटत गेले.
दरम्यान, अपघात झाल्यानंतर चारचाकी चालक अंधाराचा फायदा घेत त्या ठिकाणावरून पसार झाला आहे. यावेळी सुरक्षारक्षकांनी तातडीने याबाबत पोलीस नियंत्रण कक्षाला माहिती दिली. पोलीस निरीक्षक सचिन वांगडे यांच्या मार्गदर्शनाखाली रात्र गस्तीवर असणारे पोलीस उपनिरीक्षक डी.पी. शिंदे व चालक महेंद्र चौधरी हे घटनास्थळी दाखल झाले.
अधिक बातम्या वाचण्यासाठी येथे क्लिक करा….!
