लोणी काळभोर (पुणे) : पुणे-सोलापूर महामार्गावर लोणी काळभोर ग्रामपंचायत हद्दीतील माळीमळा परिसरात असलेल्या एका गॅरेजमधील एका ट्रकने अचानक पेट घेतला. हि घटना गुरुवारी (ता. ०८) सायंकाळी साडे पाच वाजण्याच्या सुमारास उघडकीस आली आहे. या अपघातात कोणालाही दुखापत झाली नसली तरी ट्रकचे नुकसान झाले आहे.
व्हिडिओ पाहण्यासाठी येथे करा :
मिळालेल्या माहितीनुसार, लोणी काळभोर ग्रामपंचायत हद्दीत पुणे-सोलापूर महामार्गाशेजारी माळीमळा परिसरात कानिफनाथ वेल्डिंग वर्क्स ट्रक रिपेअरिंग नावाने गॅरेज आहे. या गॅरेजमध्ये मोठ्या प्रमाणत ट्रक कामासाठी आले होते. यावेळी या ट्रकपैकी एका ट्रकने अचानक पेट घेतला. स्थानिक नागरिकांच्या व क्रेनच्या सहाय्याने बाकीचे ट्रक बाजूला घेतले त्यामुळे मोठी हानी टळली. या आगीत ट्रकचे थोड्या प्रमाणात नुकसान झाले असून कोणालाही दुखापत झाली नाही.
दरम्यान, स्थानिक नागरिकांनी व गॅरेजमधील कर्मचाऱ्यांनी तत्काळ आगीवर नियंत्रण मिळविल्याने मोठी हानी टळली असल्याची चर्चा उपस्थित असलेले नागरिक करीत होते.
