पुणे : बजरंगवाडी (ता. शिरूर) येथील ७ वर्षीय मुलीचे पित्यानेच अपहरण करून खून केल्याची धक्कादायक घटना नुकतीच उघडकीस आली आहे.
अपेक्षा युवराज सोळुंके (वय- ०७) असे खून झालेल्या चिमुकलीचे नाव आहे. तर युवराज सोळुंके असे खून करणाऱ्या नराधम बापाचे नाव असून पोलिसांनी त्याला ताब्यात घेतले आहे. या घटनेने शिक्रापूरसह परिसरात हळहळ व्यक्त केली जात आहे.
पोलिसांनी दिलेल्या माहितीनुसार, बजरंगवाडी येथून मंगळवारी (ता. २७) एक सात वर्षाची बालिका बेपत्ता झाल्याची तक्रार मुलीच्या आईने शिक्रापूर पोलीस ठाण्यात दिली होती. त्यानुसार पोलिसांनी अज्ञात व्यक्तीवर गुन्हा दाखल केला होता. सदर घटनेचा शिक्रापूर पोलीसांनी तपास सुरु केला. मात्र अनेक ठिकाणी तिचा शोध घेतला मात्र मिळून आली.
सदर घटनेचा तपास शिक्रापूर पोलीस करीत असताना सीसीटिव्हीच्या माध्यमातून मुलीच्या वडिलांनी मुलीला नदीच्या कडेला नेल्याचे दिसून आले. त्यानंतर पोलिसांनी मुलीच्या वडिलांना ताब्यात घेत कसून चौकशी केली असता मुलीच्या वडिलांनीच मुलीचा वेळ नदीच्या पाण्यात फेकून दिल्याची कबुली दिली.
दरम्यान, पोलिसांनी वेळ नदीपात्रात धाव घेत तपसणी केले असता सदर ठिकाणी मुलीच्या चपला मिळून आल्या. मात्र मुलीचा मृतदेह सायंकाळी उशिरापर्यंत मिळून आला नाही. शिक्रापूर पोलिसांनी युवराज सोळुंके यास ताब्यात घेतले असून पुढील तपास शिक्रापूर पोलीस करत आहे.
