पुणे : पोलिस दलात नोकरी करण्यास तुम्ही इच्छुक असाल तर तुमच्यासाठी ही आनंदाची बातमी असणार आहे. कारण, आता इंडो-तिबेटियन सीमा पोलिस दलात मेगा भरती निघाली आहे. त्यानुसार, रिक्त पदांवर भरती केली जाणार असून, पात्र असणाऱ्या उमेदवारांकडून अर्ज मागविण्यात येत आहे.
इंडो-तिबेटियन सीमा पोलिस दलात कॉन्स्टेबल (पायोनियर) या पदासाठी भरती प्रक्रिया सुरु होणार आहे. यामध्ये निवड झालेल्या उमेदवाराला संपूर्ण भारतात कुठंही जाऊन नोकरी करावी लागणार आहे. या प्रक्रियेंतर्गत 202 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. यामध्ये निवड झालेल्या उमेदवाराला 21,700 ते 69,100 पर्यंत पगार मिळू शकणार आहे.
तसेच ऑनलाईन पद्धतीने अर्ज करावा लागणार असला तरी यासाठी 12 ऑगस्ट 2024 पासून ही भरती प्रक्रिया सुरु केली जाणार आहे. यात 10 सप्टेंबर 2024 ही अर्ज करण्याची शेवटची तारीख असणार आहे. या भरती प्रक्रियेबाबत अधिक माहितीसाठी http://recruitment.itbpolice.nic.in/ या अधिकृत वेबसाईटवरून माहिती घेता येणार आहे.
