मुंबई: दाक्षिणात्य सुपरस्टार अल्लू अर्जुनच्या ‘पुष्पा 2: द रुल’ या चित्रपटाची चाहते आतुरतेने वाट पाहत आहेत. हा चित्रपट या वर्षातील बहुप्रतिक्षित चित्रपटांपैकी एक आहे. या चित्रपटाचा पहिला भाग प्रेक्षकांना खूप आवडला होता. मात्र, पुष्पा 2 च्या रिलीजलाही विलंब होत आहे. मात्र येत्या 6 डिसेंबरला सर्वांची प्रतीक्षा संपणार आहे.
यापूर्वी हा चित्रपट ऑगस्टमध्ये प्रदर्शित होणार होता. परंतु , शूटिंगला उशीर झाल्याने तो पुढे ढकलण्यात आला. सध्या पुष्पा २ च्या निर्मितीचे काम सुरू असून त्यानंतर चित्रपटाच्या पोस्ट प्रॉडक्शनचे काम सुरू केले जाणार आहे. दरम्यान, चित्रपटाची स्टारकास्ट आणि निर्मात्यांसाठी एक वाईट बातमी समोर आली आहे.
पुष्पा 2 च्या शूटिंगदरम्यानचा एक व्हिडिओ सोशल मीडियावर लीक झाला आहे. रिपोर्ट्सवर विश्वास ठेवला तर, हा लीक झालेला व्हिडिओ अल्लू अर्जुनच्या पुष्पा 2 चित्रपटाच्या क्लायमॅक्सचा असल्याचे म्हटले जात आहे. व्हिडिओमध्ये सेटवर शूटिंग सुरू आहे. या व्हिडिओबाबत असा दावा करण्यात आला आहे की, हा सीन क्लायमॅक्समध्ये पाहण्याजोगा महत्त्वाचा सीन आहे. पुष्पा 2 च्या क्लायमॅक्स व्हिडिओच्या नावाने ही क्लिप सर्वत्र व्हायरल होत आहे.
#Pushpa2 Climax Fight Scene 😉
Enjoy pandagowww 💥🥵😎@alluarjun #Pushpa2TheRule pic.twitter.com/EyGDhWtvzu
— Jaisai Nimmala (Allu Arjun Die Hard Fan) (@NimmalaJaisai23) July 30, 2024
मात्र, या बातमीत किती तथ्य आहे आणि हा अल्लू अर्जुनच्या चित्रपटाचा व्हिडीओ आहे की नाही, हे कोणालाच माहीत नाही. हा व्हिडिओ खूप पसंत केला जात आहे. हा व्हिडिओ पाहिल्यानंतर काही चाहते उत्साहित झाले आहेत, तर काही चाहते तो पाहिल्यानंतर प्रचंड संतापलेले दिसत आहेत. हा व्हिडिओ त्वरित डिलीट करावा, असे युजर्सचे म्हणणे आहे. अशाप्रकारे व्हिडिओ लीक झाल्यास निर्माते आणि चित्रपटाचे मोठे नुकसान होते.
