पंढरपूरहून बीडकडे येणाऱ्या वारकऱ्यांच्या पिकअपचा भीषण अपघात; २५ वारकरी जखमी, तीन महिला गंभीर

बीड: पंढरपूरहून बीडकडे परतीचा प्रवास करत असणाऱ्या वारकऱ्यांच्या वाहनाचा भीषण अपघात झाला आहे. या अपघातामध्ये जवळपास 25 वारकरी जखमी झाले आहेत. यामध्ये तीन महिला वारकरी गंभीर जखमी झाल्या असून त्यांच्यावर बीडच्या जिल्हा रुग्णालयात उपचार सुरू आहेत. पिकअपचा टायर फुटल्याने सदर अपघात झाला आहे. या पीकपमधील वारकरी कन्नड तालुक्यातील दहिगाव येथील रहिवासी आहेत.