पुणे : पुण्यातील हडपसर परिसरात पोलीस असल्याची बतावणी करुन एका महिलेला ९ लाखांचा गंडा घातल्याचा प्रकार समोर आला आहे. हा प्रकार ५ जुलै ते ७ जुलै या कालावधीत घडला आहे. याप्रकरणी साडेसतरा नळी परिसरात राहणाऱ्या एका ३२ वर्षीय महिलेने हडपसर पोलीस ठाण्यात तक्रार दाखल केली आहे. त्यावरून पोलिसांनी सायबर गुन्हेगारावर गुन्हा दाखल केला आहे.
याबाबत अधिक माहिती अशी कि, फिर्यादी महिला ही हडपसर परिसरात राहण्यास आहे. सायबर चोरट्याने फिर्यादी महिलेला फोन करुन पोलीस असल्याची बतावणी केली. त्यांना तुमच्या आधार कार्डचा वापर बेकायदेशीररित्या सुरु असल्याची धमकी दिली. त्यांच्यावर होणारी कारवाई टाळण्यासाठी सायबर चोरट्याने महिलेकडून ऑनलाईन ८ लाख ९८ हजार रुपये घेऊन आर्थिक फसवणूक केल्याचे फिर्यादीत म्हटले आहे. पुढील तपास पोलीस निरीक्षक गुन्हे उमेश गित्ते करीत आहेत.
