Anant -Radhika Wedding : सध्या सगळीकडे चर्चा आहे ती म्हणजे अनंत अंबानी आणि राधिका मर्चंट यांच्या लग्नाची. येत्या 12 जुलै रोजी अनंत आणि राधिका यांचा शाही विवाहसोहळा पार पडणार आहे. यावेळी देशभरातील नामवंत व्यक्ती, उद्योजक, सेलिब्रिटी या विवाहासाठी उपस्थित राहणार आहेत.
अंबानी यांच्याकडून लग्नाची इतकी जोरदार तयारी सुरु असलेली पाहता. या लग्नामध्ये जेवणाचा मेन्यू काय असणार आहे ? तसेच येणा-या पाहुण्यांना रिटर्न गिफ्ट म्हणून काय देण्यात येणार आहे याबद्दल चर्चा सुरु आहे. चला तर मग पाहूयात लग्नाची एकूणच तयारी अंबानींनी कशी केली आहे.
अनंत अंबानी आणि राधिका मर्चंट यांच्या लग्नात अंबानी कुटुंबातील सर्व सदस्यांना Z प्लस सिक्योरिटी राहणार आहे. कार्यक्रमाच्यावेळी इंटीग्रेटेड सिक्योरिटी ऑपरेशन सिस्टमचा (ISOS) सेटअप करण्यात येणार आहे. ISOS सेंटरमधून इवेंटच्या सिक्योरिटी ऑपरेशन वर लक्ष ठेवण्यात येणार आहे. 60 लोकांच्या सिक्योरिटी टीममध्ये 10 NSG कमांडोज आणि पोलीस अधिकारी असणार आहे. 200 आंतरराष्ट्रीय सिक्योरिटी गार्ड्स तैनात असतील. 300 सिक्योरिटी मेंबर असतील. 100 पेक्षा जास्त ट्रॅफीक पोलीस आणि मुंबई पोलिसांचे जवान BKC मध्ये तैनात राहणार आहेत.
तसेच लग्नासाठी 10 पेक्षा जास्त आंतरराष्ट्रीय शेफना बोलवण्यात आले आहे. इंडोनेशियाची कोकोनट कॅटरिंग कंपनी 100 पेक्षा जास्त नारळी पदार्थांच्या डिश बनवणार आहे. 2500 पेक्षा जास्त डिश मेन्यू लिस्टमध्ये आहेत. काशीचा चाट आणि मद्रास कॅफेची फिल्टर कॉफी सुद्धा यामध्ये आहे. इटालियन आणि यूरोपियन स्टाइल फूड सुद्धा असणार आहे. इंदूरच गराडू चाट, मुंगलेट आणि केसर क्रीम वडा सुद्धा मेन्यूमध्ये असेल. देशाच्या वेगवेगळ्या भागातून स्पेशल फूड स्टॉल लावण्यात येतील.
लग्नाला येणारे सेलिब्रिटी आणि VVIP गेस्ट्सना रिटर्न गिफ्टमध्ये कोट्यवधी रुपयांचे घड्याळ देण्यात येणार आहे. बाकीच्या पाहुण्यांसाठी काश्मीर, राजकोट आणि वाराणसीतून स्पेशल गिफ्ट मागवण्यात आले आहेत. बांधनीची ओढणी आणि साडी बनवणाऱ्या विमल मजीठिया यांना 4 महिने आधीच गिफ्ट्स तयार करण्याची ऑर्डर देण्यात आली होती. प्रत्येक ओढणीची बॉर्डर परस्परापेक्षा वेगळी आहे. विमल यांनी एकूण 876 ओढण्या आणि साड्या तयार करुन पाठवल्या आहेत.
अनंत आणि राधिका यांच्या लग्नापूर्वीच्या कार्यक्रमांना सुरवात झाली आहे. आता सर्वांनाच त्यांच्या लग्नाची उत्सुकता आहे. जिओ वर्ल्ड कन्व्हेन्शन सेंटर येथे अनंत-राधिकाच्या लग्नाचे विधी होणार आहेत. या लग्नासाठी तब्बल 16 हजार पाहुणे येणार असल्याची चर्चा आहे.
