कल्याण : महाराष्ट्रात हिट अँड रनच्या घटना सुरूच आहेत. मुंबईच्या कल्याणमध्ये भरधाव जीपने दुचाकीस्वार तरुणींना चिरडल्याची घटना घडली आहे. या अपघातानंतर वाहन चालक गाडी घेऊन फरार झाला आहे. या अपघातात दुचाकीवरील दोन्ही तरुणी गंभीर जखमी झाल्या आहेत.
सेजल भानुशाली आणि समीक्षा भानुशाली अशी अपघातात जखमी झालेल्या तरुणींची नावे आहेत. या घटनेने राज्यात पुन्हा एकदा मोठी खळबळ उडाली आहे. ही घटना कल्याणमधील रिंग रोडवर घडली आहे.
याबाबत अधिक माहिती अशी कि, अपघातात जखमी झालेल्या दोन्ही तरुणी इंजिनीअरिंगच्या विद्यार्थिनी आहेत. त्या घरी परतत असताना हा प्रकार घडल्याची प्राथमिक माहिती मिळत आहे. दरम्यान, या जीपवर ‘देवा गृप’ असा मजकूर लिहिल्याची माहिती समोर आली आहे. अपघाताची माहिती मिळताच खडकपाडा पोलिसांनी घटनास्थळी धाव घेतली असून जीप चालकाचा शोध सुरु केला आहे.
