जळगाव : जळगावमध्ये नात्याला काळिमा फासणारी घटना घडली आहे. विवाहितेचा कपडे बदलतानाचा व्हिडीओ काढून तो व्हायरल करण्याची धमकी देत, तिच्यावर चुलत भावासह त्याच्या दोन मित्रांनी वेळोवेळी अत्याचार केल्याची धक्कादायक घटना घडली आहे. याप्रकरणी २३ जून रोजी एमआयडीसी पोलीस ठाण्यात तीन जणांवर गुन्हा दाखल करण्यात आला आहे.
हि घटना ४ डिसेंबर २०२२ ते ६ जून २०२४ या दरम्यान घडला आहे. संशयित आरोपी बंटी दीपक नेतले (रा. दोंडाईचा जि. धुळे), सचिन किशोर भाट, निलेश युवराज तमाईचे दोघेही (रा. नंदुरबार) या तिघांवर गुन्हा दाखल करण्यात आला आहे.
याबाबत अधिक माहिती अशी की, महिला दोंडाईचा येथे काकाच्या मुलीच्या लग्नात गेली होती. त्यावेळी ती लग्नाच्या ठिकाणी कपडे बदलत असताना महिलेचा चुलत भाऊ याने चोरून तिचा व्हिडीओ व फोटो काढले. यानंतर आरोपी सचिनने महिलेला हे सर्व फोटो दाखविले. महिलेने फोटो डिलीट कर, म्हणून सांगितले.
मात्र, आरोपीने नकार देत, मी तुला जळगावला भेटायला येईल असे सांगितले. त्यांनतर वेळोवेळी त्याने व्हिडीओ व फोटो दाखवून जळगाव येथील घरात, पायघन हॉस्पिटलच्या मागील ठिकाणी, दोंडाईचा शहरात जबरदस्तीने शारीरिक संबंध प्रस्थापित केले. फोटो व व्हिडिओ व्हायरल करण्याची धमकी देत महिलेवर बलात्कार केला.
व्हिडिओ व्हायरल करण्याची धमकी देत सामूहिक बलात्कार
तसेच पाळधी गावापुढच्या जंगलात महिलेला फोटो व व्हिडिओ व्हायरल करण्याची धमकी देत सचिन भाट याने व त्याचा मित्र निलेश तमाईचे या दोघांनी मिळून महिलेवर बलात्कार केला. तसेच ६ जून रोजी एका पत्र्याच्या खोलीत सचिन भाट व त्याचा मित्र बंटी नेतले यानेही महिलेवर बलात्कार केला. या त्रासाला कंटाळून सदर महिलेने पती व कुटुंबियांना हा प्रकार सांगितला. दरम्यान हा प्रकार तिला सहन न झाल्याने थेट एमआयडीसी पोलिसात तक्रार दिली. पुढील तपास पोलीस उपनिरीक्षक दत्तात्रय पोटे हे करीत आहे.
