बीड : जालन्या पाठोपाठ आता बीडमध्ये ओबीसी बांधव आक्रमक झाले आहेत. विविध मागण्या आणि आरक्षणाच्या मुद्दयावरून ओबीसी बांधवांनी आक्रमक भूमिका घेत बीडच्या तलवाडा फाटा परिसरात महामार्ग अडवला आहे. ओबीसी बांधवांच्या आंदोलनामुळे महामार्गावर वाहनांच्या लांबच लांबा रांगा लागल्या आहेत.
याबाबत मिळालेल्या माहितीनुसार, बीडच्या तलवाडा फाटा परिसरात ओबीसी आंदोलकांनी आक्रमक भूमिका घेत थेट महामार्गाच अडवला आहे. तसेच धुळे-सोलापूर महामार्गावर टायर पेटवत रास्ता रोको करत आंदोलन केलं आहे. तसेच यावेळी आंदोलकांनी जोरदार घोषणाबाजी केली. ओबीसी आरक्षणाला धक्का लावू नये, या मागणीसाठी आंदोलकांनी आक्रमक भूमिका घेतली आहे.
आंदोलकांनी रस्ता अडवल्याने वाहनांच्या लांबच लांब रांगा लागल्या. दरम्यान, वडीगोद्री प्राध्यापक लक्ष्मण हाके यांच्या उपोषणाला भेट देण्यासाठी शेकडोंच्या संख्येने गाड्या पाहायला मिळत आहे. लक्ष्मण हाके यांच्या भेटीसाठी राज्यभरातून लोक उपोषणस्थळी येत आहेत.
