मुंबई : संपूर्ण जगाला ‘सैराट’ करणारे राष्ट्रीय पुरस्कार विजेते फिल्ममेकर, दिग्दर्शक नागराज मंजुळे आता ओटीटी विश्वात एक रंजक सीरिज घेऊन येत आहेत. ‘मटका किंग’ असे या सीरिजचे नाव असून अॅमेझॉन प्राइम व्हिडिओवर ही सीरिज प्रदर्शित होणार आहे. . ‘मटका किंग’ मध्ये सई ताम्हणकर मुख्य भुमिकेत दिसणार आहे.
‘मटका किंग’ मध्ये सई यात काय भुमिका साकारणार हे बघणं उत्सुकतेच ठरणार आहे. सई आणि नागराज मंजुळे यांचा हा पहिला प्रोजेक्ट असणार आहे आणि म्हणून यातून काय सिनेमॅटिक अनुभव अनुभवायला मिळणार आहे हे बघणं उत्कंठावर्धक ठरणार आहे.
सईसोबत ‘मटका किंग’ या वेबसिरीजमध्ये बॉलिवूड अभिनेता विजय वर्मा महत्त्वाच्या भूमिकेत दिसणार आहे. त्यामुळे प्रेक्षकांमध्ये चित्रपटाबाबत आणखी उत्सुकता पाहायला मिळत आहे.
माझी नागराज मंजुळे यांच्यासोबत काम करण्याची इच्छा होती आणि ही गोष्ट माझ्या विश लिस्टमध्ये देखील होती. आता आम्ही मटका किंग सारख्या प्रोजेक्टसाठी सोबत काम करतोय. या निमित्ताने ही इच्छा पूर्ण होते याचा आनंद आहे. अनेक इंटरव्ह्यू आणि सोशल मीडिया पोस्टमधून त्यांच्या सोबत काम करण्याची इच्छा व्यक्त देखील केली होती आणि स्वप्नपूर्ती होत आहे. म्हणून एक वेगळं सुख आहे. अमेझॉन प्राईमसाठी ही वेब सीरिज आम्ही करतो आहोत आणि विजय वर्मा देखील त्याचा एक भाग आहे, असं सई ताम्हणकर या वेबसिरिजबद्दल बोलताना म्हणाली.
