पुणे : पुण्यातील मार्केट यार्ड परिसरात असलेल्या गंगाधाम चौकात भीषण अपघाताची घटना समोर आली आहे. गंगाधाम चौकात एका भरधाव ट्रकने महिलेला चिरडल्याची घटना घडली . या अपघातात महिला जागीच ठार झाली आहे, तर दुसरी एक महिला गंभीर जखमी झाली आहे. जखमी महिलेला जवळच्या रूग्णालयात दाखल करण्यात आले असून तिच्यावर उपचार सुरू असल्याची माहिती पोलिसांनी दिली आहे.
याबाबत मिळालेल्या माहितीनुसार, ही घटना दुपारी १ वाजण्याच्या सुमारास मार्केट यार्ड पोलीस ठाण्याच्या हद्दीत घडली आहे. आई माता मंदिर रोड येथे एका डंपरने दुचकीला पाठीमागुन जोराची धडक दिली. या अपघातात दुचाकीवर असलेलली एक महिलेचा जागीच मृत्यु झाला, तर दुसरी महिला गंभीर ज़ख़मी झालेली आहे.
जखमी महिलेस उपचारकामी रुग्णालयात दाखल करण्यात आलेले आहे. तर मृत्यू झालेल्या महिलेचा मृतदेह ससून रुग्णालयात पाठवण्यात आला आहे. दरम्यान, या अपघातातील ट्रक चालकाला पोलिसांनी ताब्यात घेतलं असून गुन्हा दाखल करण्याचं काम सध्या सुरू आहे. पुढील तपास मार्केट यार्ड पोलीस करत आहेत.
