नवी दिल्ली : अनेकदा स्मार्टफोन घेताना कोणता घेऊ अन् कोणता नको, असं होत असतं. तुम्ही देखील नवीन स्मार्टफोन घेण्याच्या विचारात असाल तर Vivo चा फोल्डेबल X Fold 3 Pro हा एक बेस्ट पर्याय ठरू शकतो. हा स्मार्टफोन तुमच्या गरजेनुसार फोल्ड करता येऊ शकतो. या स्मार्टफोनची चर्चा लाँच होण्यापूर्वीच सुरु आहे. पण आता ही प्रतिक्षा संपत आहे. कारण, हा स्मार्टफोन उद्या 6 जूनला लाँच केला जाणार आहे.
Vivo चा पहिला फोल्डेबल Vivo X Fold 3 Pro हा स्मार्टफोन भारतात लाँच केला जात आहे. या स्मार्टफोनमध्ये 120Hz व्हेरिएबल रिफ्रेश रेट आणि 4500 nits ची पीक ब्राइटनेस असण्याची शक्यता आहे. यात Qualcomm Snapdragon 8 Gen 3 असण्याची शक्यता व्यक्त केली जात आहे. यात 2200 x 2480 पिक्सेल रिझोल्यूशनसह 8.03-इंच LTPO AMOLED इनर डिस्प्ले देण्यात आला आहे.
Vivo X Fold 3 Pro या स्मार्टफोनची त्याच्या लाँच होण्यापूर्वीच सर्वत्र चर्चा सुरु आहे. स्मार्टफोनप्रेमींसाठी ही तर अत्यंत आनंदाची बातमी असणार आहे. Vivo कडून उद्या खास इव्हेंटही आयोजित करण्यात आला आहे. सध्या कंपनीकडून या फोनच्या किंमतीविषयी माहिती देण्यात आली नाही. लाँच झाल्यानंतरच अतिरिक्त फिचर्स आणि किंमतीबाबत सांगितले जाईल, असे म्हटले जात आहे.
