पुणे : पुणे ते सोलापूर दरम्यान प्रवास करणाऱ्या प्रवाशांसाठी आनंदाची बातमी आहे. मध्य रेल्वे पुणे-सोलापूर इंटेरसिटी सुपरफास्ट एक्सप्रेस प्रवाशी गाड्यांची सेवा १८ जुलै पासून पूर्ववत सुरू करणार आहे.
12169 पुणे-सोलापूर इंटेरसिटी एक्सप्रेस 18.07.2022 पासून पुण्याहून सकाळी 09.30 वाजता निघेल आणि त्याच दिवशी 13.25 वाजता सोलापूरला पोहोचेल. तसेच 12170 एक्सप्रेस 18.07.2022 पासून सोलापूरहून 14.00 वाजता निघेल आणि त्याच दिवशी पुण्याला 18.05 वाजता पोहोचेल.
दौंड, जेऊर आणि कुर्डुवाडी असे तिला थांबे असतील. 12 द्वितीय श्रेणी आसन कार, दोन AC चेअर कार, एक सामान्य द्वितीय श्रेणी अशी या गाडीची रचना आहे. त्यापैकी 4 द्वितीय श्रेणी आसन आणि एक सामान्य द्वितीय श्रेणी कम गार्ड ब्रेक व्हॅन अनारक्षित कोच असतील. दरम्यान पुणे-सोलापूर इंटेरसिटी ट्रेन क्रमांक 12169/12170 साठी बुकिंग 15 जुलै रोजी सर्व संगणकीकृत आरक्षण केंद्रांवर आणि www.irctc.co.in वेबसाइटवर सुरू होणार आहे.
