लोणी काळभोर : लोणी काळभोर (ता. हवेली) येथील कन्या प्रशालेचा दहावीचा निकाल ९७.३६ टक्के लागला आहे. तर संस्कृती कोव्हाळे या विद्यार्थिनीने ९५.४० टक्के मिळवून प्रशालेत प्रथम क्रमांक पटकाविला आहे. अशी माहिती शाळेच्या मुख्याध्यापिका निशा झिंजुरके यांनी दिली आहे.
महाराष्ट्र राज्य माध्यमिक व उच्च माध्यमिक शिक्षण मंडळाने घेतलेल्या दहावीच्या परीक्षेचा निकाल सोमवारी (ता.27) दुपारी 1 वाजण्याच्या सुमारास ऑनलाईन पद्धतीने जाहीर झाला. विद्यालयातील २२८ विद्यार्थिनी दहावीच्या परीक्षेला बसले होते. यातील २२२ विद्यार्थिनी परीक्षेत उत्तीर्ण झाल्या आहेत.
दहावीच्या परीक्षेत विद्यार्थिनी संस्कृती दयानंद कोव्हाळे हिने ९५.४० टक्के गुण मिळवून प्रथम क्रमांक पटकाविला आहे. आर्या अविनाश होनराव हिने ९४.४० टक्के गुण मिळवून द्वितीय तर पायल दत्तात्रय बागडे हिने ९४.०० टक्के गुण मिळवून तृतीय क्रमांक मिळविला आहे. यशस्वी विद्यार्थिनीचे सर्वत्र कौतुक होत आहे.
दरम्यान, यशस्वी विद्यार्थिनी व मार्गदर्शक शिक्षकांचे शाळेच्या मुख्याध्यापिका निशा झिंजुरके यांनी अभिनंदन केले. तसेच विद्यार्थ्यांना पुढील शैक्षणिक वाटचालीसाठी शुभेच्छा दिल्या.
