लोणी काळभोर, (पुणे) : किरकोळ कारणावरून तिघांना एका टोळक्याने शिवीगाळ करुन हाताने, लाथाबुक्यांनी मारहाण केल्याची घटना लोणी स्टेशन चौकाशेजारी मंगळवारी (ता. 21) सायंकाळी साडेपाच वाजण्याच्या सुमारास घडली होती. याप्रकरणी लोणी काळभोर पोलीस ठाण्यात सहा जणांविरुद्ध गुन्हा दाखल करण्यात आला आहे.
अजय भारत शिंदे, अमित बाळु साबळे व गजानन भिमराव शिराळे (तिघेही रा. पाण्याच्या टाकीजवळ, समतानगर, लोणी स्टेशन, कदमवाकवस्ती, ता. हवेली) अशे मारहाण झालेल्या तिघांची नावे आहेत. तर स्वप्निल शिवाजी चौधरी, यश संपत चौधरी , सोहम संपत चौधरी, दादा चौधरी (रा. सर्व पेठ गाव, ता. हवेली), उत्कर्ष बाबर (रा. सोरतापवाडी, ता. हवेली), सनी उर्फ शिवम शिवरकर (रा. आळंदी म्हातोबाची, ता. हवेली) अशी मारहाण करणाऱ्या आरोपींची नावे असून घटना घडल्यापासून आरोपी फरार झाले असल्याची माहिती पोलिसांनी दिली.
याप्रकरणी अजय भारत शिंदे, (वय- 24, रा. पाण्याच्या टाकीजवळ, समतानगर, लोणी स्टेशन, कदमवाकवस्ती, ता. हवेली) या तरुणाने लोणी काळभोर पोलीस ठाण्यात फिर्याद दिली आहे.
पोलिसाने दिलेल्या माहितीनुसार, मंगळवारी (ता. 21) सायंकाळी साडेपाच वाजण्याच्या सुमारास पुणे – सोलापूर महामार्गावरील लोणी स्टेशन चौकातील हॉटेल आशीर्वाद शेजारी वरील सहा जणांनी अजय शिंदे व त्याचे दोन मित्र अमित बाळु साबळे व गजानन भिमराव शिराळे यांना आमच्याकडे का बघतो, लई मस्ती आली का? असे म्हणून शिवीगाळ करुन हाताने, लाथाबुक्यांनी मारहाण करुन जीवे मारण्याची धमकी दिली. तसेच स्वप्निल चौधरी याने रस्त्यावर दगडाने आम्हा तीघांना मारहाण केली.
View this post on Instagram
दरम्यान, मारहाणीची घटना झाल्यानंतर वरील सहाजण उरुळी कांचन बाजूकडे दुचाकीवरून जात असताना लोणी काळभोर ग्रामपंचायत हद्दीतील हॉटेल दुर्वांकुर, राजेंद्र पेट्रोल पंपाजवळ दुचाकीवरून निघालेल्या सोमनाथ तुकाराम घाडगे (रा. नायगाव रेल्वे स्टेशन, नायगाव ता. हवेली) यांनाहि गाडी अडवून चामड्याच्या बेल्टने व दगडाने तसेच रस्त्यावर पाडुन लाथाबुक्यांनी मारहाण करुन दुखापत केली आहे. याप्रकरणी वरील सहा जणांविरुद्ध लोणी काळभोर पोलीस ठाण्यात गुन्हा दाखल करण्यात आला आहे.
याबाबत लोणी काळभोर पोलीस ठाण्याचे वरिष्ठ पोलीस निरीक्षक शशिकांत चव्हाण म्हणाले, “यापुढील काळात कोणीही दादा असला किंवा मुलगा असला तरी शोधून गुन्हे दाखल करण्यात येईल. तसेच कदम कारवाई करण्यात येणार आहे.”
