पुणे : सोने-चांदीच्या दरात चढ-उतार पाहायला मिळत आहेत. भारतात 22 कॅरेट 10 ग्रॅम सोन्याची किंमत 67,740 रुपये आहे, जी किंमत मागील काही दिवसांच्या 67,750 रुपयांपेक्षा कमी आहे. त्याच वेळी, 24 कॅरेट सोन्याचा भाव 73,890 रुपये प्रति 10 ग्रॅम आहे, जो मागील काही दिवसांच्या 73,900 रुपयांपेक्षा कमी आहे.
सध्या पुण्यात 24 कॅरेट सोन्याचा भाव 73,980 रुपये प्रति 10 ग्रॅम आहे. तर 22 कॅरेट सोन्याचा प्रतितोळा भाव 68,488 रूपयांवर गेला आहे. तर चांदीचा प्रतिकिलो दर 91,000 रुपयांपर्यंत गेला आहे. त्यातच येत्या काही दिवसांत सोन्याचे भाव आणखी वाढू शकतात, असे बाजारातील जाणकारांचे म्हणणे आहे.
हॉलमार्ककडे लक्ष द्या
सोने खरेदी करताना त्याची गुणवत्ता लक्षात ठेवा. ग्राहकांनी हॉलमार्क चिन्ह पाहूनच खरेदी करावी. सोन्याचे हॉलमार्क ही सरकारी हमी असते आणि ब्युरो ऑफ इंडियन स्टँडर्ड्स (BIS) द्वारे निर्धारित केली जाते. हॉलमार्किंग योजना ब्युरो ऑफ इंडियन स्टँडर्ड्स ॲक्ट अंतर्गत चालते.
