Kolhapur Crime News : कोल्हापूर : करवीर तालुक्यातील कुडित्रे गावात माथेफिरुने लाकडी दांडक्याने मारहाण करून वृद्धाचा खून केल्याची घटना घडली आहे. या प्रकरणी रतन भास्कर या आरोपीला पोलिसांनी ताब्यात घेतले आहे.
मिळालेल्या माहितीनुसार, जंबा साठे (65)या वृद्धाचा मृत्यू झाला आहे. ते गावातील चौकात गावकऱ्यांसोबत बोलत थांबले होते. त्याचवेळी मद्यपी माथेफिरू तरूण रतन भास्कर हातात लाकडी दंडुका घेऊन तिथे पोहोचला. त्याने बोलत उभे असलेल्या चौघातील जंम्बा साठे यांच्या डोक्यावर हातातील दांडक्याने हल्ला केला. त्यानंतर सलग आठ ते दहा वेळा डोक्यात दंडुका घातला. हा हल्ला जम्बा साठे पोलावू शकले नाहीत आणि त्यांचा जागीच मृत्यू झाला.
त्यानंतर हल्लेखोर रतन भास्कर हा एका शेतकऱ्याची दुचाकी घेऊन पळून गेला. घटनेची माहिती मिळताच पोलीस घटनास्थळी दाखल झाले.संतप्त नातेवाईकांनी मारेकऱ्याला अटक केल्याशिवाय मृतदेह उचलू देणार नाही, अशी भूमिका घेतली. यामुळे गावात काही काळ तणावाचे वातावरण निर्माण झाले होते.
त्यानंतर पोलीस निरीक्षक किशोर शिंदे यांनी नातेवाईकांची समजूत काढली. या वादात मृतदेह तीन तास जागेवरच होता. पोलिसांनी याप्रकरणी गुन्हा नोंदवत तपास सुरु केला. करवीर पोलिसांनी पळून गेलेल्या हल्लेखोर रतन भास्करला ताब्यात घेतले आहे. पुढील तपास पोलीस करीत आहेत.
