Using Phone in Toilet : मोबाईल फोन ही आपल्या जीवनाची गरज बनली आहे. लोकांना क्षणभरही यापासून दूर राहणे कठीण झाले आहे. झोपायच्या आधीच्या शेवटच्या मिनिटांपर्यंत लोक अनेकदा रीलमधून स्क्रोल करत असतात. हे जरी एकवेळ बरोबर मानले तरी चालेल पण मोबाईलचे हे व्यसन इतके वरचढ झाले आहे की लोक मोबाईल घेऊन वॉशरूमला देखील जाऊ लागले आहे. तुम्हीही असे करत असाल तर सावधान.
संसर्गाचा धोका
वॉशरूमला गेल्यावर मोबाईल वापरणे म्हणजे एकप्रकारे आरोग्याशी खेळणे आहे. या ठिकाणी अनेक जंतू असतात. अशा परिस्थितीत, जेव्हा तुम्ही फोन घेऊन बसता, यावेळी तुम्हाला बॅक्टेरियाचा धोका होऊ शकतो. मोबाईल ही अशी वस्तू आहे की ती धुणे शक्य नसल्याने हे जंतू तुमच्या शरीरात प्रवेश करून विविध आजारांना कारणीभूत ठरू शकतात.
सांधे दुखी
जेव्हा लोक टॉयलेटमध्ये मोबाईल घेऊन जातात तेव्ह अनेकदा येथे जास्त वेळ घालवतात. यामुळे तुमच्या स्‍नायूंमध्ये जडपणा येऊ शकतो आणि गुडघेदुखी देखील होऊ शकते. तसेच, जर तुम्ही तुमच्या फोनसोबत अर्धा तास किंवा त्याहून अधिक वेळ कमोडवर बसून राहिलात, तर यामुळे तुम्ही नीट फ्रेश होऊ शकत नाही.
मानसिक आरोग्यावरही परिणाम होतो
एका अभ्यासात असे दिसून आले आहे की टॉयलेटमध्ये फोन वापरल्याने तुमच्या मानसिक आरोग्यावरही वाईट परिणाम होतो. कारण इथे बसून तुम्ही स्वतःचा विचार करत घालवू शकलेला वेळ फोनवर राहून वाया जातो. त्यामुळे या सवयीचा तुमच्या मानसिक आरोग्यावरही परिणाम होतो.
मूळव्याध धोका
तुमच्या या सवयीमुळे तुम्ही बद्धकोष्ठतेचाही बळी होऊ शकता. बराच वेळ एकाच स्थितीत बसल्याने तुमच्या शरीराला त्याची सवय होते. याशिवाय येथे जास्त वेळ घालवल्याने तुमच्या गुदाशयावर अनावश्यक ताण पडतो आणि हे नंतर मूळव्याध इत्यादींचे कारण बनू शकते.
