नाशिक : नाशिकमधून एक भीषण अपघाताची बातमी समोर आली आहे. नाशिकच्या चांदवडजवळ मुंबई-आग्रा महामार्गावर खासगी ट्रॅव्हल्सचा भीषण अपघात झाल्याची घटना घडली आहे. या अपघातात १४ जण जखमी झाले असून दोघांची प्रकृती गंभीर असल्याची प्राथमिक माहिती आहे.
याबाबत मिळालेल्या माहितीनुसार, मुंबई-आग्रा महामार्गांवर नाशिकच्या चांदवडजवळ खासगी ट्रॅव्हल बसचा भीषण अपघात झाला आहे. या अपघातात १४ जण जखमी झाले आहेत, तर दोघांची प्रकृती गंभीर आहे. ही बस १८ प्रवाशांना घेऊन मध्यप्रदेश येथून मुंबईकडे जात होती.
पहाटेच्या वेळी दाट धुक्यामुळे समोरचं काही दिसत नसल्यामुळे चालकाचे गाडीवरील नियंत्रण सुटले आणि हॉटेल माथेरान जवळ बस पलटी झाली. या घटनेनंतर स्थानिक नागरिकांनी घटनास्थळी धाव घेत प्रवाशांना बाहेर काढले. अपघातात जखमी झालेल्यांवर सध्या चांदवडच्या उपजिल्हा रुग्णालयात सुरु आहेत.
