लहू चव्हाण
पाचगणी : राष्ट्रपिता महात्मा गांधी यांच्या जयंतीचे औचित्य साधून पाचगणी बेबी पाॅंईट येथील श्री स्वामी समर्थ दुर्गाष्टमी मंडळाच्या कार्यकर्त्यांनी बेबी पाॅंईट परिसर स्वच्छ करून स्वच्छता अभियानाने गांधी जयंती साजरी केली.
स्वामी समर्थ दुर्गाष्टमी मंडळाच्या कार्यकर्त्यांनी स्वच्छता अभियानाला रविवारी सकाळी ९ वाजता सुरुवात केली.सेंट पिटर हायस्कूल रस्ता,मुख्य मार्गावरील बेबी पाॅंईट ते बसस्थानक रस्त्याच्या दुतर्फा पडलेला कचरा व प्लास्टिक उचलून परिसर स्वच्छ केला.
श्री स्वामी समर्थ दुर्गाष्टमी मंडळाच्या कार्यकर्त्यांनी स्वच्छता मोहीम राबवून स्वच्छतेचा संदेश दिला.यावेळी वुड लॅंन्ड सोसायटी परिसरात वृक्षारोपण करण्यात आले.
या अभियानात मंडळाचे अध्यक्ष सचिन कांबळे, उपाध्यक्ष संजय चिकने, जितेंद्र भडारी, अशोक चिकने, संतोष चिकने,बाळू झाडे, अरुण आंब्राळे, गणेश काळे, नितीन सपकाळ, सचिन पोळ, विजय पार्टे आदी कार्यकर्ते उपस्थित होते.
