पुणे : पुण्यातील कोंढवा परिसरात धक्कादायक घटना उघडकीस आली आहे. पार्टी साजरी करण्यासाठी चिकन दिलं नाही, म्हणून चिकन दुकानदाराला चाकूने भोकसल्याची घटना घडली आहे. सुफियान आयुब शेख असं मारहाण करत दुकानदारास चाकूने भोकसणाऱ्या आरोपीचं नाव आहे.
मिळालेल्या माहितीनुसार चिकन व्यावसायिक अब्दुला शेख यांचं पुण्यात कोंढव्यातील मिठानगर परिसरात गल्ली क्रमांक चार या ठिकाणी चिकनचं दुकान आहे. ते नेहमीप्रमाणे रात्री अकराच्या सुमारास चिकन दुकान बंद करून घरी निघाले होते. त्यावेळी आरोपी त्यांच्या दुकानात चिकन घेण्यासाठी गेला. ते घरी जात असताना आम्हाला पार्टी करण्यासाठी चिकन पाहिजे, म्हणून त्यांच्याशी वाद घालू लागला. याच वादातून त्याने दुकानदारावर हल्ला चढवला.
