Mumbai-Nashik Expressway : नाशिक-मुंबई द्रुतगती महामार्गावर भीषण अपघाताची घटना घडली आहे. महामार्गावरील पाचपाखाडी येथ अपघात झाला आहे. बंद अवस्थेत असलेल्या ट्रकला मागील बाजूने जीपने जोरदार धडक दिली. या घटनेत जीपमधील पाच जण गंभीर जखमी झाले आहेत. जखमींना रूग्णालयात उपचारासाठी दाखल करण्यात आले आहे. नववर्षाच्या पहिल्याच दिवशी तरुणांच्या जीपचा अपघात झाला असून पाच जणांची प्रकृती चिंताजनक असल्याची प्राथमिक माहिती आहे.
मिळालेल्या अधिक माहितीनुसार, नाशिक-मुंबई द्रुतगती महामार्गावरील पाचपाखाडी येथ हा अपघात झाला आहे. बंद अवस्थेत असलेल्या ट्रकला मागील बाजूने जीपने जोरदार धडक दिली. या धडकेत पाच जण गंभीर जखमी झाले आहेत. अपघाताची माहिती मिळताच पोलिसांनी घटनास्थळी धाव घेतली.
यामध्ये जखमी व्यक्तींना जीपमधून बाहेर काढण्यात आले आणि मुंबईच्या जे जे रूग्णालयात उपचारासाठी पाठविण्यात आले आहे. अपघात नेमका कसा झाला याबाबत ठोस माहिती मिळालेली नाही. मात्र जीप चालक दारू पिऊन वाहन चालवत असावा असावा संशय पोलिसांनी व्यक्त केला आहे.
