राजेंद्रकुमार शेळके
जुन्नर : निमगिरी (ता. जुन्नर) येथील जिल्हा परिषद शाळेचे शिक्षक सोमा सखाराम केदारी यांना जुन्नर तालुका गुणवंत आदर्श शिक्षक पुरस्काराने गौरविण्यात आले. याप्रसंगी आमदार अतुल बेनके, माजी जिल्हा परिषद सदस्या आशाताई बुचके व इतर मान्यवरांची प्रमुख उपस्थिती होती.
सोमा केदारी यांची आतापर्यंत झालेली सेवा ही वाखाणण्याजोगी आहे. जुन्नर तालुक्यात त्यांनी ३७ वर्षे सेवा केली आहे. याबद्दल निमगिरी केंद्राच्या वतीने तसेच सर्व शिक्षक व शालेय व्यवस्थापन समितीचे अध्यक्ष व सचिवांनी त्यांचे अभिनंदन केले. निमगिरी केंद्रातील सर्व शिक्षक वृंद, निमगिरी केंद्राचे केंद्रप्रमुख त्रिंबक बगाड, राजूर केंद्राचे बाळासाहेब मोरे या कार्यक्रमप्रसंगी उपस्थित होते. त्यांचे सर्वच क्षेत्रातून अभिनंदन होत आहे.
