Gautam Adani Net worth : मुंबई: जगातील श्रीमंत व्यक्तींच्या यादीत गौतम अदानी 15 व्या स्थानावर पोहोचले आहेत. उद्योगपती गौतम अदानी यांच्या कमाईत गेल्या तीन दिवसात मोठी भर पडली आहे. गेल्या 24 तासात अदानी समूहाने तब्बल 12.3 अरब डॉलरची कमाई केली आहे. अदानी समुहाच्या नेटवर्थमधमध्ये एका दिवसात तब्बल 12.3 अरब डॉलर म्हणजे 1,91,62,33,50,000 रुपयांची भर पडली आहे. एका दिवसात सर्वाधिक कमाई करणारे नंबर वन अरबपती बनले आहेत.
श्रीमंत व्यक्तीच्या यादीत पंधराव्या स्थानावर
एका दिवसात केलेल्या या विक्रमी कमाईमुळे गौतम अदानी यांनी जगातील श्रीमंत व्यक्तींच्या यादीत मोठी झेप घेतली आहे. श्रीमंताच्या यादीत अदानींची झटक्यात 4 स्थानांची बढती झाली आहे. 20व्या स्थानावरुन ते थेट थेट 15 व्या स्थानावर पोहोचले आहेत. गौतम अदानी यांच्या संपत्ती वाढीमागे त्यांच्या कंपनीच्या शेअरला मिळालेली तेजी कारणीभूत ठरली आहे. गेल्या तीन दिवसात अदानी उद्योग समूहाचे शेअर रॉकेटच्या वेगाने वरती गेले. अदानी गॅसचा शेअर 18.66 टक्के आणि अदानी ग्रीन ग्रुपचे शेअर 14.1 टक्के तेजीत आहे. याशिवाय अदानी पोर्ट , अदानी पावर, अदानी विल्‍मर यांना सुद्धा मोठी मागणी आहे.
गौतम अदानी यांची संपत्ती
एका दिवसातील कमाईच्या आकडेवारीत गौतम अदानी यांनी एलन मस्कपासून बर्नार्ड अर्नाल्टपर्यंतच्या कमाईपेक्षा कितीतरी पटीने अधिक आहे. एलन मस्क यांची संपत्ती 2.25 अरब डॉलर, जेफ बेजॉस यांची संपत्ती 1.94 अरब डॉलर आणि बर्नार्ड अर्नाल्ट यांची संपत्ती 2.16 अरब डॉलर वाढली आहे. ब्लूमबर्ग बिलेनियर्स इंडेक्सने जारी केलेल्या आकडेवारीनुसार सोमवारी गौतम अदानी यांनी एकाच दिवसात 4 अरब डॉलरची कमाई केली. तर मंगळवारी मोठी झेप घेत अवघ्या 24 तासात 12.3 अरब डॉलरची कमाई केली.
