Nagpur Crime : नागपूर : नागपूरमध्ये मैत्रीला काळींबा फासणारी घटना समोर आली आहे. दोन मित्रांनी मिळून तिसऱ्या मित्राचा रेल्वेसमोर फेकून खून केला आहे. शेख अशफाक शेख मुस्ताक (२२, नाझीर कॉलनी, कोराडी) आणि सलम खान जमशेद खान असे मृत युवकाचे नाव आहे. बाबा टायगर ऊर्फ शेख मोहसीन शेख असे आरोपी मित्रांची नाव आहे.
हेरगिरी करून प्रतिस्पर्धी टोळी आणि पोलिसांना आपली माहिती पुरवित असल्याच्या संशयातून दोघांनी एका मित्राला खंडणी मागितली. खंडणी न दिल्यामुळे त्याला धावत्या रेल्वेसमोर फेकून त्याचा खून केला. आरोपींवर कोराडी पोलिसांनी कारवाई केली.
सलूनचे दुकान चालविणारा शेख अशफाक याने पोलिसांना माहिती दिल्यामुळेच कारवाई झाल्याचा संशय बाबा टायगरला होता. बाबा आणि असलम खान जमशेद खान (३४, ओमनगर) यांनी शेख अशफाकला बोलावले आणि पोलिसांची हेरगिरी करून माहिती दिल्याचा जाब विचारला. त्यासाठी २५ हजार रुपयांची खंडणी मागितली. अन्यथा जीवे मारण्याची धमकी दिली. त्यावेळी अशफाकने भीतीपोटी २५ हजार देऊन स्व:ताची सुटका केली. मात्र, ते दोघे पुन्हा आले. ३० जुलैला बाबा टायगर आणि असलम खान हे अशफाकच्या दुकानात गेले. त्यांनी दुसऱ्यावेळेला एक लाख रुपयांची खंडणी मागितली. अशफाने खंडणी देण्यास नकार दिला. त्यामुळे दोघांनीही अशफाकला सल्फीयाबाद वस्तीमागील रेल्वे रुळावर नेले. पैसे न दिल्यास धावत्या रेल्वेसमोर फेकून देण्याची धमकी दिली. मात्र, अशफाकने त्यांना पैसे देण्यास नकार दिला. त्यामुळे चिडलेल्या आरोपींनी अशफाकला धावत्या रेल्वेसमोर फेकून दिले.
रेल्वेचा धक्का लागल्याने असलमही फेकला गेला. त्याच्या पायाला जबर दुखापत झाली आणि जागीच त्याचा मृत्यू झाला. टपास संपल्यावर पोलिसांनी दोघांना अटक केली. तेव्हा दोघांनी जबाबबात रेल्वे रुळावर शौचास बसलो असता भरधाव रेल्वेच्या धडकेत अशफाकचा मृत्यू झाला असे सांगितले. कोराडी पोलिसांची दिशाभूल केली. मात्र, दोन युवकांनी ती घटना डोळ्यांनी बघितली होती. त्यांनी कोराडी पोलिसांना माहिती दिल्यामुळे घटना उघडकीस आली. पोलिसांनी कुख्यात गुंड बाबा टायगर आणि असलम खान यांच्याविरुद्ध गुन्हा दाखल करून अटक केली.
