लोणी काळभोर, (पुणे) : पुणे – सोलापूर महामार्गावर लोणी स्टेशन परिससरातील खोले वस्ती येथे शिवशाही बसणे महामार्गावरून पायी रस्ता ओलांडनाऱ्या एका ६५ वर्षीय व्यक्तीला जोरदार धडक दिल्याची घटना घडली आहे.
बुधवारी (ता. २९) रात्री आठ वाजण्याच्या सुमारास हि घटना घडली आहे. या अपघातात वृद्ध व्यक्ती गंभीर जखमी झाला असून त्याला लोणी काळभोर येथील एका खाजगी रुग्णालयात दाखल करण्यात आले आहे.
मिळालेल्या माहितीनुसार, सोलापूर – पुणे ही शिवशाही बस ही सोलापूरच्या दिशेने निघाली होती. आठ वाजण्याच्या सुमारास एक ६५ वर्षीय व्यक्ती हि महामार्गावरून रस्ता ओलांडत होती. यावेळी सोलापूरच्या बाजूने निघालेल्या शिवशाही बसने सदर व्यक्तीला उडवले.
दरम्यान, या अपघातात सदर व्यक्तीच्या डोक्याला व छातीला गंभीर दुखापत झाली असल्याचे प्राथमिक निदर्शनास आले. जखमीला तत्काळ खाजगी रुग्णालयात दाखल करण्यात आले आहे. घटनास्थळी वाहतूक शाखेचे पोलीस दाखल झाले असून सोलापूरच्या बाजूने जाणारी वाहतूक काहीकाळ ठप्प झाली होती.
सविस्तर वृत्त थोड्याच वेळात..
