Nashik Accident News : नाशिक : नाशिकच्या मनमाड-मालेगाव राज्यमहामार्गावर चौंढी घाटात कॅटेनर आणि कार चा भीषण अपघात झाला आहे. कंटेनर पलटी होऊन कारवर आदळल्याने भीषण अपघात झाल्याची माहिती आहे. या अपघातात कारमधील एकाचा जागीच मृत्यू झाला असून ३ जण जखमी झाले आहेत. अपघातानंतर महामार्गावर मोठी वाहतुक कोंडी झाली होती. (Nashik Accident News)
याबाबत मिळालेल्या अधिक माहितीनुसार, मनमाड- मालेगाव राज्य महामार्गावरील चौंढी घाटात २६ नोव्हेंबर रोजी कंटेनर पलटी होऊन कारवर आदळल्याने हा अपघात झाल्याची माहिती आहे. कारमधील चारही तरुण हे शिर्डीकडे जात होते. या अपघतात कारमधील एकाचा मृत्यू झाला असून ३ जण गंभीर जखमी झाले आहेत. अपघाताची माहिती मिळताच चौंढी गावातील नागरिकांसह पोलिसांनी घटनास्थळी धाव घेत जखमींना बाहेर काढून मालेगाव येथे उपचारासाठी पाठवण्यात आले आहे.
अपघातानंतर कंटेनर महामार्गावर पलटी झाल्याने मोठी वाहतूक कोंडी झाल्याचे पाहायला मिळाले. त्यामुळे महामार्गावर वाहनांच्या लांबच लांब रांगा लागल्या होत्या. दरम्यान, पोलिसांनी क्रेनच्या साहाय्याने अपघातग्रस्त कंटेनर बाजूला काढून वाहतुक सुरळीत केली.
