युनूस तांबोळी
शिरूर – शिरूर येथील युनिक स्पोर्ट्स क्लबच्या शूटिंग स्पर्धेच्या निवड चाचणित २ खेळाडूंची शासनाच्या क्रिडा प्रबोधिनीमध्ये निवड झाली आहे. यामध्ये अभिषेक कामठे व सौम्या खेडकर यांचा समावेश करण्यात आला आहे.
राष्ट्रीय नेमबाज अभिषेक कामठे याचा १० मिटर एअर रायफल प्रकारामधून बालेवाडी पुणे येथे क्रिडा प्रबोधिनी मध्ये निवड झाली आहे़. तर सौम्या खेडकर हिची १० मिटर एअर रायफल प्रकारात खेलो इंडियाच्या स्टेट एक्सलन्स सेंटरमध्ये निवड करण्यात आली आहे. क्रिडा प्रबोधिनी पुणे बालेवाडी येथील निवड चाचणीतून दोघांची निवड करण्यात आली़. दोन्ही खेळाडूंना प्रशिक्षक शरद तरटे यांचे मार्गदर्शन लाभले.
दरम्यान, निवड झालेल्या विद्यार्थ्यांचे परीसरातून अभिनंदन होत आहे. दोन्ही खेळाडूंचे आंबेगाव शिरूर विधानसभा मतदार संघाचे राष्ट्रवादी कॉंग्रेसचे अध्यक्ष मानसिंग पाचुंदकर, घोडगंगा सहकारी साखर कारखान्याचे संचालक राजेंद्र गावडे, टाकळी हाजीच्या सरपंच अरूणा घोडे यांनी अभिनंदन केले आहे. व मान्यवरांनी दोन्ही खेळाडूंना पुढील क्रीडा स्पर्धांसाठी शुभेच्छा दिल्या.
