पुणे : मालमत्तेच्या हव्यासापोटी सख्ख्या वृद्ध आजीला नातवाने इलेक्ट्रिक कटरच्या सहाय्याने शरीराचे तुकडे करून ते नदीत फेकून दिल्याची दृदयद्रावक घटना पुण्यात घडली आहे. बापलेकांनी हा खून क्राईम पेट्रोल आणि ‘दृश्यम’ चित्रपट पाहून केला असून बाप-लेकाला मुंढवा पोलिसांनी बेड्या ठोकल्या आहेत.
उषा विठ्ठल गायकवाड (वय ६२, रा. म्हसोबानगर, केशवनगर, मुंढवा) असे खून झालेल्या वृद्ध आजीचे नाव आहे. याप्रकरणी साहिल ऊर्फ गुड्डू संदीप गायकवाड (वय-२०), संदीप विठ्ठल गायकवाड (वय-४२, रा. दोघेही म्हसोबानगर, केशवनगर, मुंढवा) अशी अटक करण्यात आलेल्या दोघांची नावे आहेत.
मुंढवा पोलीस ठाण्याचे वरिष्ठ पोलीस निरीक्षक ब्रम्हानंद नाईकवाडी यांनी दिलेल्या माहितीनुसार, उषा गायकवाड या देहुरोड येथील शासकीय कार्यालयात माळीकाम करत होत्या. तर आरोपीचे वडीलही वानवडी परीसरातील शासकीय कार्यालयात माळीकाम करत होते. या कामातुन मिळणाऱ्या पैशातुन पिडीत महिलेने आपल्या मुळाबाळासाठी मुंढवा परीसरात दिड गुंठे जागा खऱेदी करुन, त्या जागेवर घऱ बांधले होते. पिडीत महिलेला तीन मुली व दोन मुले असा परीवार होता. तिन दोनपैकी एक मुलगा शिरुरला राहत असुन, धाकटा मुलगा म्हणजेच या प्रकरणातील संशयित आरोपी मुंढवा येथे रहण्यास आहे. तो एका मोठ्या राजकीय पक्षाचा पदाधिकारी असुन, त्याची दोन लग्ने झालेली आहेत. दरम्यान नवऱ्याच्या मृत्युनंतर पिडीत महिला एकटीच त्या घरात रहात होती. हे घर खाली करावे यासाठी मागिल कांही दिवसापासुन, पिडीतेचा मुलगा संदीप गायकवाड व त्याचे कटुंबिय पिडीत महिलेला त्रास देत होते.
दरम्यान ऑगष्ट महिण्याच्या पहिल्या आठड्यात घऱ खाली करावे यासाठी मुलगा व त्याचे कुटुंबिय मारहान करत असल्याची तक्रार पिडीत महिलेने आपल्या तीनपैकी मधल्या मुलीकडे केली होती. या तक्रारीची खातरजमा करण्याच्या उद्देशने पिडीत महिलेची मुलगी पाच ऑगष्ट रोजी घरी आली असता, घरात आई नसल्याचे मुलीला आढळुन आले. याबाबत पिडीत महिलेच्या मुलीने आईबाबत भावाकडे व त्याच्या वीस वर्षीय मुलाकडे चौकशी केली असता, दोघांनीही दमदाटी करुन मुलीला व तिच्या नवऱ्याला हाकलुन दिले. मात्र घरातुन बाहेर पडतांना घऱात मोठ्या प्रमानात रक्त सांडल्याचे दिसुन आल्याने मुलीला काही तरी काळेबेरे घडल्याची शंका मनात आली.
दरम्यान मनात आलेल्या शंका निरसण करण्यासाठी पिडीत महिलेच्या मुलीने नातेवाईक व घराजवळच्या लोकांच्याकडे अधिक चौकशी केली वरी धक्कादायक प्रकरणाचे धागेदोरे मुलीच्या हाती लागले. यावरुन संबधित मुलीने मुंढवा पोलिसात जाऊन तक्रार दाखल केली. या तक्रारीच्या आधारे पोलिसांनी केलेल्या तपासात मुलाने आपल्याच साठ वर्षीय जन्मदात्या आईचा खुन करुन तिच्या मृतदेहाचे तब्बल नऊ तुकडे केल्याचा धक्कादायक प्रकार पुढे आला.
पोलिसांना गुंगारा देण्यासाठी त्याने मुंढवा पोलिसात वडिलांना सोबत घेऊन आजी बेपत्ता झाल्याची तक्रारदेखील दिली. मात्र पोलिसांनी जेव्हा घरी जाऊन पाहिले तेव्हा उषा यांची चप्पल आणि काठी बाहेर मिळून आली. उषा यांना पायाचा आजार असल्याने चालता येत नव्हते तेथूनच पोलिसांनी तपासाला गती दिली पोलिस आपल्या घरच्या लोकांकडे चौकशी करतील म्हणून त्याने सुरुवातीपासूनच त्यांना पोलिसांना कशी उत्तरे द्यायची हे सांगितले होते..
आईने घऱ खाली करावे या किरकोळ कारणासाठी आईचा खुन करणारा मुलगा व त्याच्या वीस वर्षीय मुलाला पोलिसांनी अटक केली आहे. तसेच आईच्या मृतदेहाच्या नऊ तुकड्यापैकी कांही तुकडे विविध ठिकाणाहुन पिशवीसह ताब्यात घेतले आहेत. तर उर्वरीत तुकडे शोधण्याचे काम युध्दपातळीवर चालु असल्याची माहिती पोलिसांनी दिली.
