लोणी काळभोर, ता.०६ : लोणी काळभोर (ता.हवेली) येथील इंग्लिश मीडियम स्कूल येथे श्रीकृष्ण जन्माष्टमी बुधवारी (ता.०६) मोठ्या उत्साहात साजरी करण्यात आली, अशी माहिती शाळेच्या प्राचार्या पौर्णिमा शेवाळे यांनी दिली.
विद्यार्थ्यांनी दहीहंडी फोडण्यासाठी मनोरे तयार केले. यावेळी इतर विद्यार्थी गीताच्या तालावरती ठेका धरून साथ देत होते. शेवटी विद्यार्थ्यांनी दहीहंडी फोडल्यानंतर सर्व विद्यार्थ्यांनी एकच जल्लोष करत गाण्यांवर ताल धरला व या कार्यक्रमाचा मनसोक्त आनंद लुटला.
अतिशय उत्साहपूर्ण वातावरणात कार्यक्रम संपन्न झाला. यावेळी लहान मुलांनी रंगीत पोशाख परिधान केला होता. प्रीती कदम यांनी कृष्ण व त्यांच्या सवंगड्या सोबतच्या गोष्टी सर्व मुलांना सांगितल्या. तसेच पहिलीचा विद्यार्थी अथर्व जंजिरे याने देखील कृष्णाच्या गवळणी व गोष्टी सांगितल्या. कार्यक्रम यशस्वी करण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले.
यावेळी पुणे विभागप्रमुख प्राचार्य सिताराम गवळी, प्राचार्या पोर्णिमा शेवाळे, इन्चार्ज सुलताना इलामदार सर्व शिक्षक, शिक्षकेतर कर्मचारी व विदयार्थी मोठ्या संखेने संख्येने उपस्थित होते. या कार्यक्रमाचे सूत्रसंचालन अश्विनी शिंदे व वर्षा शिंदे यांनी केले तर माधवी गिरी गोसावी यांनी आभार मानले.
