Loni Kalbhor News : लोणी काळभोर, (पुणे) : श्री स्वामी विवेकानंद शिक्षण संस्था संचलित पृथ्वीराज कपूर मेमोरियल हायस्कूल लोणी काळभोर (ता. हवेली) शिक्षक दिनाचे औचित्य साधून शिक्षक दिन मंगळवारी (ता. ०५) मोठ्या उत्साहात साजरा करण्यात आला. अशी माहिती प्राचार्य सीताराम गवळी यांनी दिली.
शिक्षक दिन उत्साहात साजरा
माजी राष्ट्रपती सर्वपल्ली राधाकृष्ण यांच्या प्रतिमेचे पुजन करून कृतज्ञता व्यक्त केली. या कार्यक्रमाचे औचित्य साधून विद्यार्थ्यांनी सर्व शिक्षकांना श्रीफळ पुष्पगुच्छ देऊन शिक्षकांबद्दल आदराची भावना व्यक्त केली.
शिक्षक दिनानिमित्त दयानंद जानराव सर यांनी शिक्षकाचे महत्व, समाजात असलेली शिक्षकाची गरज या विषयी मनोगत व्यक्त केले.
कार्यक्रमाची सुरुवात इयत्ता सहावी क वर्गातील विद्यार्थ्यांनी तयार केलेल्या परिपाठाने केली. यावेळी कार्यक्रमाच्या अध्यक्षस्थानी विद्यालयाचे प्राचार्य सीताराम गवळी होते तर प्रमुख पाहुणे विद्या समिती सचिव श्री स्वामी विवेकानंद शिक्षण संस्था कोल्हापूरचे अरुण सुळगेकर होते. विद्यालयाच्या पर्यवेक्षिका रेखा पाटील, विलास शिंदे आदि उपस्थित होते.
दरम्यान, कार्यक्रमामध्ये आयोजित करण्यात आलेल्या भाषण स्पर्धेत विविध वर्गातील विद्यार्थ्यांनी आपापली भाषणे सादर केली. विजयी विद्यार्थ्यांना बक्षीस आणि प्रमाणपत्र वितरित करण्यात आले. कार्यक्रमाचे आभार विद्यार्थी प्रतीक खेडकर याने मानले.
