लोणी काळभोर, (पुणे) : पुणे जिल्हा परिषद क्रीडा विभागामार्फत घेण्यात आलेल्या शालेय तालुकास्तरीय बुद्धिबळ स्पर्धेत लोणी काळभोर (ता. हवेली) येथील रेनबो इंटरनॅशनल स्कूलची विद्यार्थिनी समृद्धी राजकुमार वलांडे हिने प्रथम क्रमांक मिळवला आहे.
लोणीकंद (ता. हवेली) येथील न्यू टाईम्स इंटरनॅशनल स्कूल येथे गुरुवारी (ता. २४) झालेल्या तालुकास्तरीय बुद्धिबळ स्पर्धेत तालुक्यातील विविध माध्यमिक व उच्च माध्यमिक विद्यालयातील विद्यार्थी सहभागी झाले होते. यामध्ये रेनबो इंटरनॅशनल स्कूलची विद्यार्थिनी समृद्धी वलांडे हिने तालुकास्तरावर प्रथम क्रमांक मिळवला आहे.
दरम्यान, जिल्हास्तरीय बुद्धिबळ स्पर्धेसाठी वलांडे हिची निवड झाली आहे. वलांडे हिला क्रीडाशिक्षक निखिल जाधव यांचे मार्गदर्शन लाभले. तिच्या या यशाबद्दल संस्थेचे अध्यक्ष नितीन काळभोर, शाळेच्या प्राचार्या मिनल बंडगर, यांनी पुढील स्पर्धेसाठी शुभेच्छा दिल्या. तसेच पंचक्रोशीतून पालक, व ग्रामस्थांकडून अभिनंदन करण्यात येत आहे.
