पुणे : नागपंचमीचा सण आज साजरा केला जात आहे. हिंदू दिनदर्शिकेनुसार, आज श्रावण महिन्यातील शुक्ल पक्षाची पाचवी तिथी आहे. या विशेष दिवशी नागदेवतेची विधिवत पूजा केली जाते. नागपंचमीच्या दिवशी नागदेवतेला जल अर्पण करून त्याची पूजा केल्याने साधकाच्या सर्व मनोकामना पूर्ण होतात आणि अनेक प्रकारच्या अडचणी दूर होतात, अशी भावना असते. तर जाणून घेऊया नागपंचमीचा शुभ मुहूर्त, पूजा पद्धती आणि नागपंचमीशी संबंधित संपूर्ण माहिती…
नागपंचमीचा मुहूर्त काय?
पंचांगानुसार, श्रावण महिन्यातील शुक्ल पक्षातील पंचमी तिथी 21 ऑगस्टच्या मध्यरात्री 12.21 मिनिटांनी सुरू होणार आहे. नागपंचमी तिथी 22 ऑगस्ट रोजी दुपारी 2 वाजता समाप्त होईल. अशा स्थितीत सोमवार 21 ऑगस्टला नागपंचमी व्रत पाळण्यात येणार आहे. नागपंचमी सणाच्या दिवशी पूजा मुहूर्त पहाटे 5.53 ते 8.30 पर्यंत असणार आहे.
नागपंचमी पूजेचे साहित्य
नागपंचमीच्या पूजेसाठी घराच्या दाराच्या दोन्ही बाजूला नागाचा आकार द्यावा. यानंतर तूप, दूध आणि पाण्याने तर्पण करावे. त्यानंतर दिवा, उदबत्ती, हार, फुले इत्यादींनी विधिवत पूजा करावी. यानंतर गहू, दूध, भाताचा लावा इत्यादींचा भोग अर्पण केला जातो.
अशी करा पूजा…
श्रावण शुक्ल पक्षाच्या पाचव्या दिवशी सकाळी लवकर उठून स्नान करून ध्यान करावे. स्नान करून ध्यान करून व्रत करावे. यानंतर नागदेवतेचे चित्र किंवा मातीच्या नागाची मूर्ती स्वच्छ चौकीवर स्थापित करा. त्यानंतर नागदेवतेला हळद, रोळी, तांदूळ, फुले इत्यादी अर्पण करा. यानंतर नागदेवतेला दूध, तूप आणि साखर अर्पण करा. पूजेच्या शेवटी नागपंचमी व्रत कथा ऐका आणि आरतीने पूजा पूर्ण करा.
नागपंचमीच्या दिवशी ‘हे’ उपाय करा
कालसर्प दोषाची पूजा राहूच्या काळातच करावी. हा सर्वोत्तम काळ आहे. ज्योतिषशास्त्रात राहूला साप मानले गेले आहे. ज्यांच्या कुंडलीत राहु अशुभ आहे किंवा राहूच्या महादशा किंवा अंतरदशामुळे त्यांच्या जीवनात अनेक समस्या आहेत त्यांनी नागपंचमीच्या दिवशी कालसर्प दोष शांत करण्यासाठी भगवान शंकराची पूजा करावी. नागपंचमीच्या दिवशी वासुकी आणि तक्षक या नागांची पूजा केली जाते.
नागपंचमीच्या दिवशी शुभ संयोग
नागपंचमीच्या दिवशी चित्रा नक्षत्र, शुभ आणि शुक्ल युग तयार होत असून, पूजेसाठी अत्यंत फलदायी मानले जाते. चित्रा नक्षत्र संपूर्ण रात्रीपर्यंत राहील, शुभ योग 10.21 मिनिटांपर्यंत राहील. यानंतर शुक्ल योग सुरू होईल.
