Pune News : पुणे : पुण्यावरुन महाबळेश्वरला हनीमूनसाठी निघाले. पत्नीला अस्वस्थ वाटलं म्हणून थोड्या वेळासाठी कारमधून बाहेर आले. रस्त्यावरून चालताना अचानक दोघांनी नववधूच्या पतीवर हल्ला केला. पत्नी आरडाओरड करु लागली. परंतु तिच्या पतीला वाचवण्यासाठी कोणीच आले नाही. त्यात पतीचा दुर्दैवी मृत्यू झाला. दरम्यान, चौकशीअंती प्रेमप्रकरणातून पत्नीनेच हा प्लॅन केल्याचे धक्कादायक वास्तव उघडकीस आले आहे.
पोलिसांनी चातुर्याने उघडकीस आणला गुन्हा
याबाबत मिळालेल्या अधिक माहितीनुसार, लग्नानंतर हनीमूनला जाण्यासाठी पती-पत्नीने एका चांगली योजना आखली. सोबत पतीने त्याचा एक मित्र अन् तिच्या पत्नीलाही घेतले. कार पुण्यावरुन काही अंतरावर गेली असताना पत्नीला अस्वस्थ वाटत असल्याने त्यांनी गाडी थांबवली. (Pune News) पत्नी कारमधून बाहेर पडली. पतीही तिच्यासोबत बाहेर पडला. दोघे काही अंतर चालत गेले.
याचदरम्यान, दोन मोटारसायकलवरून चौघेजण आले आणि काही न बोलता पतीवर जोरदार हल्ला चढवला. पतीला वाचवण्यासाठी पत्नीने जीवाच्या आकांताने आरडाओरड केली. परंतु चौघांपासून पतीची सुटका करणे तिला शक्य झाले नाही. (Pune News) या हल्ल्यात पतीचा दुर्दैवी मृत्यू झाला. आनंद कांबळे असे मृत्यूमुखी पडलेल्या तरुणाचे नाव आहे.
दिक्षा ओव्हाळ आणि आनंद कांबळे यांच्या लग्नानंतर १३ व्या दिवशी हा प्रकार घडला. घटनेनंतर दिक्षाला कोणीच मदत केली नसल्यामुळे ती धावत कारमध्ये बसलेला आनंदचा मित्र निखिलकडे आली. त्यानंतर दोघे घटनास्थळी पोहचले. त्यांनी आनंदला रुग्णालयात नेले. परंतु त्याचा मृत्यू झाला.
दरम्यान, पोलिसांच्या तपासात ते चार जण लूटमारीसाठी आल्याचे दिक्षा हिने सांगितल्यानंतर पोलिसांचा संशय बळावला. पोलिसांनी दिक्षाची उलटतपासणी करत तिचे सर्व सामान जप्त केले. (Pune News) त्यावेळी तिच्या मोबाईलवरुन कोणालातरी लाईव्ह लोकेशन पाठवल्याचे दिसून आले. हत्येच्या एका दिवसापूर्वी दिक्षा बराच वेळ कोणाशी बोलत असल्याचे तपासात उघड झाले.
दिक्षाने निखिल मालेकर याला लाईव्ह लोकेशन पाठवल्याचे पोलिसांना समजले. पोलिसांनी निखिलला ताब्यात घेऊन चौकशी सुरु केली. यावेळी सर्व प्रकार समोर आला. (Pune News) दिक्षा आणि निखिल यांचे प्रेम होते. तिला आनंदशी लग्न करायचे नव्हते. परंतु घरच्या मंडळींच्या दबावाला बळी पडून तीने लग्न केले. यामुळे निखिलने सुपारी देऊन ही हत्या घडवून आणली होती.
अधिक बातम्या वाचण्यासाठी येथे क्लिक करा :
Pune News : चक्क झुरळांमुळे पुणे स्थानकावर दोन तास रेल्वेचा खोळंबा!
Pune News : कारच्या काचेवर चिठ्ठी लावून १० लाखांची खंडणी मागणार्‍या झोमॅटो डिलिव्हरी बॉयला अटक
