Pune News : पुणे शहरातील स्वारगेट चौकातील गणेश कला क्रीडा मंदीर परिसरात दुचाकीवरून जाणार्‍या व्यक्तीवर गोळीबार झाल्याची धक्कादायक घटना घडली आहे. यामध्ये एकजण गंभीर जखमी झाले आहे. बुधवारी (ता. १९) रात्री साडेनऊ वाजण्याच्या सुमारास हि घटना घडली आहे.(Pune News)
पिस्टल मधून तीन राउंड फायर.
पिस्टल मधून तीन राउंड फायर करण्यात आले असून घटनास्थळी रक्ताचे डाग आणि तीन पुंगळ्या आढळून आल्या आहेत. दरम्यान, हा गोळीबार नेमका कोणत्या कारणातून झाला आहे, हे मात्र समजू शकलेले नाही.(Pune News)
पोलिसांनी दिलेल्या माहितीनुसार, स्वारगेट येथील गणेश कला क्रिडा रंगमंच परिसरातून दुचाकीवरून दोघे जण जात होते. तर त्यांच्या बाजूने एक रिक्षा जात होती. त्या रिक्षातील एकाने दुचाकीवर मागे बसलेल्या व्यक्तीवर गोळ्या झाडल्या.(Pune News)
या घटनेमध्ये दुचाकीवरील व्यक्ती गंभीर जखमी झाला असून त्याला जवळील रूग्णालयात दाखल करण्यात आले आहे. तर घटनास्थळी रक्ताचे डाग आहेत. तर तीन पुंगळ्या आढळून आल्या आहेत. या घटनेतील आरोपीचा शोध सुरू असून या हल्ल्या मागील अद्याप कारण समजू शकले नाही.(Pune News)
दरम्यान, पोलिसांनी घटनास्थळी जाऊन पाहणी केली असता हा प्रकार समोर आला आहे. पुढील तपास पोलिस करत आहे. पण, पुण्यात स्वारगेट सारख्या भागात गोळीबाराची घटना घडल्याने शहरात एकच खळबळ माजली आहे. सध्या पोलिस या प्रकरणाचा कसून तपास करत आहेत.
