सागर जगदाळे
भिगवण: पोंधवडी (ता. इंदापूर) येथील १० वर्षाच्या अल्पवयीन मुलीला अज्ञात इसमाने पळवून नेऊन अपहरण केल्याची धक्कादायक घटना शनिवारी (ता.२०) सायंकाळी साडेपाच वाजण्याच्या सुमारास उघडकीस आली आहे.
गिता प्रकाश पवार (वय १०) असे अपहरण झालेल्या चुमिकलीचे नाव आहे. याप्रकरणी तिचा भाऊ अंकुश प्रकाश पवार (वय-२२ सध्या रा . पोंधवडी पाटी , पोंधवडी ता.इंदापुर जि.पुणे,मुळ रा तागङगांव ता शिरुर जि.बीड) याने भिगवण पोलीस ठाण्यात तक्रार दिली आहे.
पोलिसांनी दिलेल्या माहितीनुसार, गिता पवार हि शनिवारी (ता.२०) सायंकाळी पाच वाजण्याच्या सुमारास प्रातविधीला गेली होती. बराच वेळ झाला ती घरी आली नाही म्हणून तिच्या घरच्यांनी इतरत्र ठिकाणी शोध घेतला. परंतु, ती सापडली नाही. याप्रकरणी अंकुश पवार याने भिगवण पोलीस ठाण्यात तक्रार दिली आहे. त्यानुसार अज्ञात इसमाविरुद्ध भिगवण पोलीस ठाण्यात गुन्हा दाखल करण्यात आला आहे.
सदर मुलीचा वर्ण सावळा असून, केस बारीक कापलेले बॉयकट आहे. अंगामध्ये काळ्या रंगाचा टॉप व लाल रंगाची पॅन्ट घातलेली आहे.सदर वर्णनाची मुलगी कोठे आढळल्यास भिगवण पोलीस ठाण्याशी ०२११८२४६२३३ या क्रमांकावर संपर्क साधण्याचे आवाहन करण्यात आले आहे.
