Loni Kalbhor News : लोणी काळभोर (ता. हवेली) येथील इंग्लिश मेडियम स्कूल या इंग्रजी माध्यमाच्या शाळेतील इयत्ता आठवीच्या वर्गात शिक्षण घेत असलेला विद्यार्थी संस्कार सुरेश कोरे हा ७२.४८ टक्के गुण मिळवून शिष्यवृत्ती परीक्षेत उत्तीर्ण झाला आहे.(Loni Kalbhor News)
७२.४८ टक्के गुण मिळवून शिष्यवृत्ती परीक्षेत उत्तीर्ण.
महाराष्ट्र राज्य परीक्षा परिषद पुणे यांच्या मार्फत सन २०२२-२३ पूर्व माध्यमिक शिष्यवृत्ती परीक्षा घेण्यात आली होती. या परीक्षेला विद्यालयाच्या वतीने संस्कार कोरे हा विद्यार्थी बसला होता. संस्कारने या परीक्षेत उत्तमरित्या यश संपादन करून शिष्यवृत्ती मिळवली आहे.(Loni Kalbhor News)
संस्कारने या परीक्षेत ७२.४८ टक्के गुण मिळवून पुणे जिल्ह्यामध्ये ५६६ शिष्यवृत्ती धारक विद्यार्थ्यांमध्ये २१० वा क्रमांक मिळविला आहे. तर हवेली तालुक्यामध्ये चौथा क्रमांक मिळविला आहे. संस्कार कोरेला या यशासाठी विद्यालयाच्या शिक्षिका अंजली कवडे, शाहीन शेख, निलेश काळभोर व विद्यावती शिंदे यांचे मार्गदर्शन मिळाले. संस्कारने मिळविलेल्या यशाचे लोणी काळभोर व परिसरातील नागरिकांकडून त्याचे कौतुक होत आहे. (Loni Kalbhor News)
शिष्यवृत्ती परीक्षेत मिळविलेल्या यशाबद्दल संस्कारचा व मार्गदर्शक शिक्षकांचा विद्यालयाच्या वतीने भव्य सत्कार करण्यात आला. यावेळी पुणे विभाग प्रमुख प्राचार्य सिताराम गवळी, प्राचार्य पौर्णिमा शेवाळे, इनचार्ज इनामदार सुलताना व शिक्षक, शिक्षकेतर कर्मचारी आदी मान्यवर उपस्थित होते.
