अक्षय भोरडे
Shirur News : तळेगाव ढमढेरे : शिक्रापूर (ता.शिरुर) येथील जुना पूल परिसरात हातात चाकू घेऊन दहशत निर्माण करणाऱ्या युवकाला शिक्रापूर पोलिसांनी चाकूसह जेरबंद केले. अविनाश नंदू पालकर (वय २७ वर्षे रा. विद्याधाम शाळाशेजारी शिक्रापूर ता. शिरुर) असे पोलिसांनी अटक केलेल्या आरोपीचे नाव आहे.
जुना पूल परिसरातील घटना
शिक्रापूर (ता. शिरुर) येथील जुना पूल परिसरात एक युवक हातात चाकू घेऊन मोठमोठ्याने आरडाओरडा करत दहशत निर्माण करत असल्याची माहिती पोलिसांना मिळाली. (Shirur News) त्यांनतर पोलीस हवालदार किशोर तेलंग, शंकर साळुंके, पोलीस नाईक रविकिरण जाधव, प्रफुल्ल सुतार यांनी सदर ठिकाणी जाऊन पाहणी केली असता एक युवक हातात चाकू घेऊन आरडाओरडा करत असल्याचे दिसून आले.
दरम्यान, पोलिसांनी चाकूसह त्या युवकाला ताब्यात घेतले. (Shirur News) याबाबत पोलीस शिपाई प्रफुल्ल सुतार यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अविनाश नंदू पालकर याच्याविरुद्ध गुन्हा दाखल करण्यात आला असून, पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली पोलीस हवालदार श्रीमंत होनमाने करत आहेत.
अधिक बातम्या वाचण्यासाठी येथे क्लिक करा :
Shirur News : मी २०२४ ची विधानसभा निवडणूक लढवणार नाही – जुन्नरचे आमदार अतुल बेनके.
Shirur News : माझा निर्णय विकासासाठी व जनतेच्या हितासाठीच – कॅबिनेट मंत्री दिलिप वळसे पाटील.
