tomato : पुणे : टोमॅटोच्या भावावरून विक्रेता आणि ग्राहक यांच्यात तुफान हाणामारी झाल्याची घटना घडली आहे. यामध्ये ग्राहक जखमी झाला असून हा प्रकार वडगाव शेरी भाजी मार्केटमध्ये घडला आहे. tomato
याबाबत गोपाल गोविंद ढेपे (वय ४२, रा. गलांडेनगर, वडगाव शेरी) यांनी चंदननगर पोलीस ठाण्यात फिर्याद दिली आहे. त्यानुसार चंदननगर पोलिसांनी अनिल गायकवाड (रा. वडगाव शेरी) यांच्याविरुद्ध गुन्हा दाखल केला आहे.
याबाबत पोलिसांनी दिलेल्या माहितीनुसार, फिर्यादी गोपाल ढेपे हे भाजी आणण्यासाठी वडगाव शेरी येथील भाजी मार्केटमध्ये गेले होते. त्यांनी भाजी विक्रेते अनिल गायकवाड यांनी टोमॅटोचा भाव विचारला. त्यांनी टोमॅटो २० रुपये पावशेर असल्याचे सांगितले. त्यावर फिर्यादी यांनी त्यांना खूप महाग आहेत, असे उत्तर दिले. tomato
दरम्यान, यावरून अनिल गायकवाड यांनी फिर्यादीस शिवीगाळ केली. फिर्यादीचे तोंडावर बुक्कीने मारहाण करुन वजनकाट्यातील वजन हातात घेऊन त्यांच्या उजव्या गालावर मारुन जखमी केले, असे फिर्यादीत नमूद केले आहे. पोलीस हवालदार नांगरे तपास करीत आहेत. tomato
