सुरेश घाडगे
परंडा, (धाराशिव) : विश्ववंदनीय स्वराज्य संस्थापक आराध्य दैवत छत्रपती शिवाजी महाराज व स्वराज्य रक्षक छत्रपती संभाजी महाराज या आराध्यदैवत महापुरुषांबद्दल आक्षेपाहार्य मानहानीकारक इंस्टाग्रामवर पोष्ट टाकल्याच्या निषेधार्थ बुधवारी (ता. २८) परंडा शहरात कडेकोट बंद ठेवण्यात आले होते. (Paranda News)
तमाम शिवप्रेमींच्या भावना दुखावल्या असून तीव्र संताप व्यक्त होत आहे. तमाम शिवप्रेमींनी परंडा तहसिलदार व पोलीस निरिक्षक यांना निवेदन दिले व आरोपीवर कडक कारवाई करण्याची मागणी यावेळी केली. आरोपी समाजकंटकास परंडा पोलिसांनी अटक केली असून पुढील तपास सुरु आहे. (Paranda News)
मिळालेल्या माहितीनुसार, खासपुरी (ता. परंडा येथे रहाणारा व बावची येथील मदरसात शिक्षण घेत असलेल्या एका समाजकंटकाने इंस्टाग्रामवर मंगळवारी एक पोष्ट व्हायरल केली. याची माहिती तात्काळ शिवप्रेमीनी परंडा पोलीसात दिली. पोलीसांनी तात्काळ समाजकंटक व त्याच्या पालकांना ताब्यात घेतले. या आक्षेपाहार्य अवमानकारक घटनेच्या निषेधार्थ बुधवारी परंडा शहर कडकडीत बंद ठेवण्यात आले. (Paranda News)
दरम्यान, तालुक्यात ठिकठिकाणी निषेध करण्यात आला. शहरातून शिवप्रेमी युवकांनी “जय भवानी जय शिवाजी” घोषणा देत मोटार सायकल रॅली काढली. या प्रकरणाचा तपास व सखोल चौकशी करून समाजकंटकावर कडक कारवाई करण्याची मागणी केली. यावेळी शहरात तणावपूर्ण शांतता होती. तसेच पोलीस बंदोबस्त तगडा ठेवण्यात आला होता. (Paranda News)
