Pune News : पुणे : पुण्यातील सदाशिव पेठेत पेरुगेट चौकीजवळ तरुणीवर कोयत्याने हल्ला केल्याचा प्रकार आल्याने खळबळ उडाली होती. या प्रकारानंतर शहरात एक चर्चा रंगली होती. या घटनेनंतर नागरिकांनी हल्लेखोर तरुणाचा पाठलाग करत त्याला पोलिसांच्या ताब्यात दिले.
शंतनु लक्ष्मण जाधव (वय २२, रा. मुळशी डोंगरगाव) असे ताब्यात घेण्यात आलेल्या तरुणाचे नाव आहे. आरोपी जाधव याने केलेल्या हल्ल्यात तरूणी गंभीर जखमी झाली असून तिच्यावर खासगी रुग्णालयात उपचार सुरू आहेत.
वीस वर्षीय तरुणी कोथरूड येथील सुतरदारा भागात राहायला आहे. आरोपी शंतनु जाधव तरूणीवर एकतर्फी प्रेम करत होता. तिचा पाठलाग करून त्रास देत होता. (Pune News) त्याने सदाशिव पेठेत पावन मारुती मंदिराजवळ सकाळी तरुणीला गाठले. तरुणीला अडवून तिच्याशी बोलण्याचा प्रयत्न केला. तरुणीने त्याला झिडकारले. तेव्हा त्याने तिच्यावर कोयत्याने वार केले. आरोपी जाधव पसारा झाला. नागरिकांनी पाठलाग करून त्याला पकडले. अप्पा बळवंत चौकात त्याला चोप दिला.
तरुणाच्या तत्परतेमुळे तरूणी बचावली…
आरोपी शंतनु जाधवने तरूणीवर भर रस्त्यात कोयता उगारला आणि तिच्यावर हल्ला केला. त्या वेळीं तेथून अभ्यासिकेत एक तरूण निघाला होता. त्याने हा प्रकार पाहिला आणि आरोपी जाधवला प्रतिकार केला. (Pune News) तरुणाने प्रतिकार केल्याने जाधव घाबरला आणि तो पळाला. नागरिकांनी पाठलाग करून त्याला अप्पा बळवंत चौक परिसरात पकडले.
अधिक बातम्या वाचण्यासाठी येथे क्लिक करा :
Pune News : अल्पवयीन मुलांच्या हातात वाहन देणे पालकांना पडणार चांगलेच महागात
Pune News : पुण्यात पाचशे रुपयांसाठी हातात तलवार घेवून घरात शिरून शिवीगाळ ..
