Pune News : भोर (पुणे) : महाविद्यालयीन तरुणीचा विनयभंग व मारहाण करुन आत्महत्येस प्रवृत्त करणाऱ्या सात जणांना भोर पोलिसांनी अटक केली आहे. मुख्य आरोपीसह तीनजण अद्याप फरार असून भोर पोलिस त्यांचा शोध घेत आहेत. (Pune News)
रोहित हनुमंत शिंदे (वय – २३), प्रतीक दत्तात्रय दुधाळ (वय – २२, घेही रा. वेनवडी) प्रवीण ऊर्फ सोन्या अनिल बांदल (वय २३, ब. खानापूर, ता. भोर), मयूर संजय साळेकर (२१, रा. विंग, ता. खंडाळा, जि. सातारा), तुषार ऊर्फ चिक्या रवींद्र शिवतरे (वय २४, रा. उत्रौली, ता. भोर), संकेत संजय शिक्रे (वय २६, रा. भोलावडे, ता. भोर),समीर कैलास जाधव (वय २७, रा. मोरगाव, ता. बारामती) अशी अटक केलेल्या आरोपींची नावे आहेत. सदर आरोपींना न्यायालयात हजर केले असता तीन दिवसाची पोलिस कोठडी ठोठावण्यात आली आहे. (Pune News)
मुख्य आरोपी अक्षय किसन शिंदे (रा. वेनवडी, ता. भोर), आदील जमादार (रा. संजयनगर, भोर) आणि बाबू शिंदे (रा. वेनवडी) हे तिघे फरारी असून भोर पोलिस त्यांचा शोध घेत आहेत. याप्रकरणी भोर पोलीस ठाण्याचे पोलिस उपनिरीक्षक बळीराम सांगळे पुढील तपास करीत आहेत. (Pune News)
