Pune News : पुणे : मावळातील सोमाटणे फाटा येथे आर्थिक छळाला कंटाळून एकाने गळफास घेत आत्महत्या केली आहे. हा प्रकार शुक्रवारी (दि. 16) दुपारी दोन वाजताच्या सुमारास उघडकीस आला आहे. पैशाचा वारंवार तगादा लावत एकाने शिवीगाळ व धमकी देत त्रास दिला याला कंटाळून एकाने आत्महत्या केली आहे.
तळेगाव दाभाडे पोलीस ठाण्यात तक्रार दाखल
शेखर अशोक खंबायत (वय 37, रा. सोमाटणे फाटा, मावळ) असे आत्महत्या केलेल्या व्यक्तीचे नाव आहे. (Pune News) त्यांच्या पत्नीने याप्रकरणी तळेगाव दाभाडे पोलीस ठाण्यात तक्रार दाखल केली आहे. त्यावरून कुलदीप लोहोर (वय 39, रा. धामणे, ता. मावळ) याच्या विरोधात गुन्हा दाखल करण्यात आला आहे.
मिळालेल्या माहितीनुसार, शेअर मार्केट मध्ये गुंतवणूक करण्यासाठी काही महिन्यांपूर्वी आरोपीने तक्रारदार महिलेच्या पतीस 15 लाख रुपये दिले होते.(Pune News) त्या गुंतवलेल्या पैशांच्या बदल्यात 10 टक्के परतावा देण्यासाठी आरोपीने कुलदीप यांच्याकडे तगादा लावला. त्यासाठी त्यांना वारंवार शिवीगाळ, धमकी देऊन त्रास दिला. त्यामुळे शेखर यांनी छळाला कंटाळून राहत्या घरी गळफास घेऊन आत्महत्या केली असल्याचे तक्रारीत म्हटले आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pune News : मुलीने स्वतःचे यकृतदान करुन बापाला दिले जीवदान
